Skip to main content

സ്വയം പ്രതിരോധ മാര്‍ഗ്ഗങ്ങള്‍ - 3

വഴിയെ പോകുന്ന ഒരുത്തന്‍ നമ്മളെ അറ്റാക്ക്‌ ചെയ്യുന്നു എന്ന് കരുതുക...എന്ത് ചെയ്യണം???? എന്തൊക്കെ ചെയ്യരുത്??? എല്ലാം ഒന്ന് നേരത്തെ പ്ലാന്‍ ചെയ്തു വെക്കേണ്ടത്  - ഒരിക്കല്‍ പോലും പ്രയോഗിക്കേണ്ടി വന്നില്ലെങ്കില്‍ പോലും - ഇന്നത്തെ കാലത്ത് അത്യാവശ്യമാണ്.

സാധാരണ നമ്മള്‍ പെണ്ണുങ്ങള്‍  ഇത്തരം ആക്രമണങ്ങള് ഉണ്ടായാല്‍ ഓടി രക്ഷപ്പെടാന്‍  ശ്രമിക്കണം എന്നതാണ് ലോകരുടെ നിയമം. നമ്മുടെ സിനിമകള്‍ തന്നെ കണ്ടു നോക്കിയാല്‍ മതി. വില്ലന്‍ ഒരു പെണ്‍കുട്ടിയെ ഇട്ടു ഓടിക്കുന്നു.. അവള്‍ ആളില്ലാത്ത സ്ഥലത്തേക്ക് തന്നെ കൃത്യമായി ഓടുകയും ചെയ്യും. പിന്നെ വില്ലന്‍ കയറിപ്പിടിക്കുന്നു ..നായിക  'എന്നെ വിടൂ..ഹാ ഹെന്നെ വിടൂ..(ഷീല സ്റ്റൈല്‍) എന്ന് കരയുന്നു. അത്ഭുതം..അതാ നായകനെത്തി  വില്ലനെ ഇടിച്ചു പഞ്ചര്‍ ആക്കുന്നു . അതിനിടയിലും വില്ലന്‍ പല തവണ നമ്മുടെ നായികയെ കയറി പിടിക്കുമെങ്കിലും അവള്‍ തിരിച്ചൊന്നും ചെയ്യില്ല..കരച്ചില്‍ മാത്രം. ഈ സീക്വന്സുകള്‍ക്ക് കാലങ്ങളായിട്ടും  ഒരു മാറ്റവും സംഭവിച്ചിട്ടില്ല എന്നുള്ളതാണ് രസം. സത്യത്തില്‍ നമ്മുടെ സുരക്ഷ ആണുങ്ങളുടെ മാത്രം ചുമതലയാണോ?  അങ്ങനൊരു നായകന്‍ എപ്പോഴും നമ്മുടെ രക്ഷക്കെത്തുമോ? ഇല്ല എന്നു സംശയമെങ്കിലും ഉള്ളവര്‍ മാത്രം തുടര്‍ന്നു വായിക്കുക.

ഓടണോ അതോ തിരിച്ചടിക്കണോ?
എതിരാളി ഒന്നേ ഉള്ളുവെങ്കില്‍, വിജനമായ സ്ഥലമാണെങ്കില്‍, അല്ലെങ്കില്‍ ഓടാന്‍ കഴിയാത്ത വിധം മുന്‍പില്‍ തടസ്സങ്ങളുണ്ടെങ്കില്‍(eg : ട്രെയിന്‍), പിന്നെ ഓടിയിട്ടും കാര്യമില്ലല്ലോ. അപ്പോള്‍ ചെയ്യാവുന്നത്  ചെറുത്തു നില്‍പ്പ് മാത്രമാണ്. മറിച്ച്, ഒന്നിലധികം അക്രമികള്‍ ഉണ്ടെങ്കില്‍ ഓടുകയെ മാര്‍ഗമുള്ളൂ. ഒന്ന് നിലവിളിച്ചാല്‍ ആരെങ്കിലും കേള്‍ക്കുന്ന ഏതെങ്കിലും സ്ഥലത്താണ് നില്‍ക്കുന്നതെങ്കിലും നിലവിളിച്ചു കൊണ്ട് ഓടാവുന്നതാണ്.

ഇനി ആദ്യം പറഞ്ഞ അവസ്ഥയില്‍ ആണെങ്കില്‍ ചെയ്യാവുന്ന കുറച്ചു  പ്രയോഗങ്ങള്‍ ഉണ്ട്. 
ഒന്നാമത് അത്യാവശ്യം കയ്യില്‍ വേണ്ട ചില ഉപകരണങ്ങളെ കുറിച്ചു മുന്‍ പോസ്റ്റില്‍ സൂചിപ്പിച്ചിട്ടുണ്ട്. അവില്‍ ഏതെങ്കിലും പെട്ടെന്ന്  പ്രവര്‍ത്തിപ്പിക്കാന് കഴിയുമെങ്കില്‍ അതാണ്‌ ഏറ്റവും നല്ലത്. ഇനി അവയൊന്നും കയ്യില്‍ ഇല്ലെങ്കില്‍(എടുക്കാനുള്ള സമയം ലഭിച്ചില്ലെങ്കിലും) പിന്നെ നമ്മുടെ ചില ശരീര ഭാഗങ്ങള്‍ തന്നെ ഒന്നാന്തരം ആയുധങ്ങളാണ്. അവ കൈമുട്ടുകള്‍, കൈപ്പത്തി, കാല്‍ മുട്ടുകള്‍,  കാല്‍പാദം, കയ്യിലെ നഖങ്ങള്‍, തല, പല്ലുകള്‍  എന്നിവയാണ്. ഓരോന്നും എങ്ങനെ പ്രയോഗിക്കണമെന്നു പറയാം. 
അതിനു മുന്‍പേ, നമ്മുടെ എതിരാളിയുടെ  ദുര്‍ബ്ബല സ്ഥാനങ്ങള്‍ കൂടി അറിഞ്ഞിരിക്കേണ്ടതുണ്ട്.   
അവ ഇനി പറയുന്നവയാണ് - കണ്ണുകള്‍, മുക്ക്, കഴുത്തു, ജനനെന്ദ്രിയങ്ങള്‍, ചെവിക്കു പുറകിലുള്ള ഭാഗം..ഇനിയും കാണും, തല്‍കാലം ഇത്രയും പറഞ്ഞു നിര്‍ത്തുന്നു. 
  
ഇപ്പോഴും സംശയം തോന്നാം, ഇത്രയും അറിഞ്ഞത് കൊണ്ടെന്തു കാര്യം എന്ന്. കാര്യമുണ്ട്, എന്നെ വിടൂ എന്ന് കരഞ്ഞു കളയുന്ന എനര്‍ജി ഈ അവയവങ്ങല്‍ക്കിട്ടു  പ്രയോഗിച്ചാല്‍ മതി, ശത്രു താഴെ വീഴും, ആ സമയം കൊണ്ട് ഓടി രക്ഷപെടാന്‍ കഴിയും. ഉദാഹരണത്തിന്, അക്രമി നിങ്ങളെ അനങ്ങാനാവാതെ ചുമരിനോട് ചേര്‍ത്ത് പിടിച്ചെന്നു കരുതുക, എപ്പോഴെങ്കിലും ഒരു സെക്കന്റ്‌ സമയം കിട്ടിയാല്‍ തല കൊണ്ട് ആഞ്ഞു മൂക്കിനിടിക്കുക, മൂക്കിനു ആഞ്ഞു ഒരിടി കിട്ടിയാല്‍ എന്തു സംഭവിക്കുമെന്ന് ജീവിതത്തില്‍ ഒരിക്കലെങ്കിലും നമ്മള്‍ അനുഭവിച്ചു കാണുമല്ലോ..ഇനിയും ഉണ്ട് ഇത് പോലെ ചെയ്യാവുന്ന പല ഇന്‍സ്റ്റന്റ് ആക്ഷനുകളും. ചിലത് കൂടി വഴിയെ പറയാം.അതു ചെയ്യാന്‍ കരാട്ടെയോ കുങ്ങ്ഫുവോ ഒന്നും പഠിച്ചിരിക്കണം എന്നില്ല.   എല്ലാം ഒന്നും മനസ്സിലാക്കിയിരുന്നാല്‍ മാത്രം മതി.

പിന്നെ ഇതൊക്കെ പെണ്ണുങ്ങളെ കൊണ്ട്  നടക്കുമോയെന്ന് സംശയിക്കുന്ന പെണ്‍ വായനക്കാരോട് ഒരു വാക്ക് -  സഹായിക്കാന്‍ ഒരുത്തനും വരില്ല- അവനവന്റെ കാര്യം അവനവന്‍ നോക്കിയാല്‍ അവനവനു കൊള്ളാം, അത്ര തന്നെ..

  

Comments

  1. ലക്ഷ്യത്തിലേയ്ക്കുള്ള മാർഗ്ഗം മനസ്സിലുണ്ട്, പ്രത്യേകിച്ച് ദുർബ്ബലർക്കും. ആ മനസ്സിനെ ധൈര്യവും ശക്തിയും കൊണ്ട് നിറയ്ക്കണം. പിന്നെ, പ്രയോഗിച്ച്പ്രവർത്തിക്കണം. സുരക്ഷ സുനിശ്ചിതം.

    ReplyDelete
  2. Prathirodha margangal kollam..., cinema style vivaranam nannayirikunnu....

    ReplyDelete
  3. അവനവന്റെ കാര്യം അവനവൻ തന്നെ നോക്കണം..

    ReplyDelete
  4. അത് കറക്റ്റ്. അവനവന്റെ കാര്യം അവനവന്‍ നോക്കിയാല്‍ അവനവനു കൊള്ളാം

    ReplyDelete
  5. മാനസികവും ഭാഷാപരവുമായ ഈ അടിമത്തത്തിൽ നിന്നും ആദ്യം കരകയറൂ അഗ്നിശലഭമേ.... "അവളവളുടെ കാര്യം അവളവൾ നോക്കിയാൽ അവളവൾക്കു കൊള്ളാം" എന്നെഴുതൂ..
    പ്രത്യേകിച്ചും പെൺവായനക്കാർക്ക് exclusive ആയി ഉള്ള ഈ ഉപദേശത്തിൽ..

    ReplyDelete
  6. ഒരു ക്രിക്ബാറ്റ്സ്മാന്‍ ഡ്രസ്സിംഗ്റൂമില്‍ വച്ച് നായികയെ ചുമരിനോടു ചേര്‍ത്തു പിടിച്ചാല്‍ അയാളുടെ ഏതുമര്‍മ്മസ്ഥാനമാണ് നമ്മള്‍ ലക്ഷ്യമാക്കേണ്ടത് എന്ന് ഒന്നു പറഞ്ഞു തരുമോ? :)

    ReplyDelete
  7. zubaida

    ഈ പോസ്റ്റിലെ വിഷയവുമായി യാതൊരു തരത്തിലും ബന്ധപ്പെടാത്ത താങ്കളുടെ പോസ്റ്റു ഇവിടെ കൊണ്ടു പരസ്യപ്പെടുത്തിയിരിക്കുന്നത് ഇനി ആവർത്തിക്കരുത്.

    ReplyDelete
  8. ആദ്യം ഒഴിവാക്കേണ്ടത് സ്ത്രീകളെ അബലകളാക്കി ചിത്രീകരിക്കുന്ന സിനിമകളാണ്.
    പറഞ്ഞിട്ടെന്താ കാര്യം, സിനിമ ഓടണ്ടെ?

    ReplyDelete
  9. അവനവന്റെ കാര്യം അവനവന്‍ നോക്കിയാല്‍ അവനവനു കൊള്ളാം
    kollaatheyumirikkaam

    ReplyDelete
  10. ആഹ ലതു കലക്കി.. ടീച്ചര്‍‌ടെ ക്ലാസു കൊള്ളാം .. പോലീസിലാണോ പണി.. ഹഹ. എന്തായാലും ആശംസകള്‍..

    ReplyDelete
  11. ചുമരിനോട് ചേർത്തു അമർത്തിപ്പിടിച്ചിരിക്കുന്ന ഒരാൾക്ക് തന്റെ തല കൊണ്ട് എതിരാളിയുടെ മൂക്കിനിടിക്കാൻ പറ്റുമോ...?

    ബലമായി ചുംബിക്കാൻ ശ്രമിച്ചാൽ ചെറിയ തോതിൽ നടത്താം. പക്ഷേ, ആ ഇടിക്ക് ശക്തി ഒട്ടും ഉണ്ടാകില്ല. തല മാത്രം പോരാ, ശരീരവും കൂടി ഒത്തു പിടിച്ചാലെ ശക്തിയിൽ ഇടിക്കാൻ പറ്റൂ...

    പിന്നെ അപ്രതീക്ഷിതമായ ഇങ്ങനെ ഒരു സന്ദർഭത്തിൽ സ്ത്രീകൾ, കരുതിക്കൂട്ടി വരുന്ന അക്രമിയുടെ മുൻപിൽ പതറുകയും നിസ്സഹായരായി പോകാനുമാണ് സാദ്ധ്യത.
    ഇത്തരം സന്ദർഭത്തിൽ പുരുഷന്മാർ പോലും പതറിപ്പോകും.

    ഇതെല്ലാം മുൻ‌കൂട്ടി കണ്ട് ആവശ്യമായ പരിശീലനത്തിനുള്ള സാഹചര്യം നമ്മുടെ നാട്ടിൽ ‘കുടൂംബശ്രീ’ പോലുള്ള കൂട്ടായ്മകളിൽ കൂടി നടപ്പിൽ വരുത്തുവാൻ ശ്രമിക്കുന്നത് നല്ല ഗുണം ചെയ്യും.
    ആശംസകൾ...

    ReplyDelete
  12. പ്രതികരിച്ച എല്ലാവര്ക്കും നന്ദി...:). പുതിയ പോസ്റ്റ്‌ ദാ ഇവിടെ ..http://keralatomorrow10.blogspot.com/2011/09/4.html

    ReplyDelete
  13. >>ഒരു ക്രിക്ബാറ്റ്സ്മാന്‍ ഡ്രസ്സിംഗ്റൂമില്‍ വച്ച് നായികയെ ചുമരിനോടു ചേര്‍ത്തു പിടിച്ചാല്‍ അയാളുടെ ഏതുമര്‍മ്മസ്ഥാനമാണ് നമ്മള്‍ ലക്ഷ്യമാക്കേണ്ടത് എന്ന് ഒന്നു പറഞ്ഞു തരുമോ? :)>>

    @കാവലാന്‍

    അയാളുടെ കഴുത്തില്‍ പാഡ് കെട്ടാന്‍ സാധ്യതയുണ്ടോ? ഇല്ലെങ്കില്‍ അവിടം തന്നെയാണ് ലക്ഷ്യമാക്കേണ്ടത് :)

    ReplyDelete
  14. >>പിന്നെ അപ്രതീക്ഷിതമായ ഇങ്ങനെ ഒരു സന്ദർഭത്തിൽ സ്ത്രീകൾ, കരുതിക്കൂട്ടി വരുന്ന അക്രമിയുടെ മുൻപിൽ പതറുകയും നിസ്സഹായരായി പോകാനുമാണ് സാദ്ധ്യത.>>
    @വീ കെ
    അങ്ങനെ പതറാതിരുന്നാല്‍ പകുതി ജയിച്ചെന്ന് പറയാം. ഇത്തരം സമയങ്ങളില്‍ എന്ത് വേണമെന്ന് ചെറിയ രൂപമെങ്കിലും ഉണ്ടെങ്കില്‍ അതിനെ അതിജെവിക്കാന്‍ കഴിയും എന്ന് തന്നെയാണ് എന്റെ വിശ്വാസം. അതിനു വേണ്ടിയാണ് ഈ പോസ്റ്റുകള്‍.

    ReplyDelete
  15. അപ്രതീക്ഷിതമായ അക്രമണമുണ്ടാവുമ്പോള്‍ പെട്ടെന്ന് പ്രതികരിക്കാന്‍ ആണിനായാലും പെണ്ണിനായാലും സാധിച്ചെന്ന് വരില്ല (അനുഭവം)
    പിന്നെ സ്ത്രീകള്‍ക്ക് നേരെ ഉണ്ടായേക്കാവുന്ന അതിക്രമങ്ങളില്‍ അവര്‍ക്ക് സ്വയം പ്രതിരോധ മാര്‍ഗങ്ങള്‍ സ്വീകരിക്കാനുള്ള മാനസികമായ അവസ്ഥയുണ്ടാവണം. അത് പലപ്പോഴും സ്ത്രീകള്‍ക്ക് പുരുഷന്മാരെ അപേക്ഷിച്ച് കുറവാണ്‌. എങ്കിലും ഒരു പ്രതിരോധത്തിനുള്ള ആയുധം (അത് ചാവിയായാലും ) ആത്മ ധൈര്യം വര്‍ധിപ്പിക്കും. കിടന്ന് കാറി നില വിളിച്ച് ബോധം കെടുന്നതിനേക്കാള്‍ ,സാഹചര്യത്തിനനുസരിച്ച് അക്രമിയെ കീഴിപെടുത്തി രക്ഷപ്പെടുവാനുള്ള മാര്‍ഗം സ്വീകരിക്കുകതന്നെ

    ReplyDelete

Post a Comment

Popular posts from this blog

ഗാര്‍ഹിക പീഡന നിരോധന നിയമം

ഗാര്‍ഹിക പീഡന നിരോധന നിയമം പുരുഷന്മാര്‍ക്ക് എതിരെ മാത്രമാണെന്ന് പലര്‍ക്കും ഒരു തെറ്റിദ്ധാരണയുണ്ട്. പക്ഷെ ഈ നിയമം നിസ്സഹായരായ, പീഡനനുഭവിക്കുന്ന സ്ത്രീകളെ രക്ഷിക്കാന്‍ വേണ്ടിയുള്ളതാണ്, അതായത് ഈ നിയമ പ്രകാരം, ഒരു സ്ത്രീയെ ഉപദ്രവിക്കുന്നത് മറ്റൊരു സ്ത്രീയാണെങ്കില്‍ പോലും ശിക്ഷ ലഭിക്കും. നിര്‍ഭാഗ്യവശാല്‍ നിരപരാധികളായ പല പുരുഷന്മാരും ഈ നിയമത്തിന്റെ പേരില്‍ ക്രൂശിക്കപ്പെടുകയും എന്നാല്‍ അര്‍ഹതപ്പെട്ട സ്ത്രീകള്‍ക്ക്  ഇതിന്റെ ഗുണം കിട്ടാതിരിക്കുകയും ചെയ്യുന്നുണ്ട്. മറ്റെല്ലാ നിയമങ്ങളെക്കാളും ദുരുപയോഗം ചെയ്യപ്പെടുന്നതും ഈ നിയമം തന്നെ ! 2006 ഒക്ടോബര്‍ മാസം ഈ നിയമം നിലവിൽ വന്നു എങ്കിലും ഇതിനെക്കുറിച്ച്‌ ശരിയായ വിധത്തില്‍ ജനങ്ങളിലേക്ക് എത്തിക്കാനോ പ്രയോജനപ്പെടുത്താനോ ഇന്നുവരെ കഴിഞ്ഞിട്ടില്ല. ഈ നിയമം നിലവില്‍ വന്നതിനു ശേഷവും സ്ത്രീകള്‍ക്കെതിരെയുള്ള അക്രമങ്ങള്‍ കൂടിവരുന്നുവെന്നത് വേദനാജനകമാണ്.  ഗാര്‍ഹിക ബന്ധത്തില്‍പ്പെട്ട അംഗങ്ങളില്‍ നിന്നുണ്ടാകുന്ന പീഡനമാണ് ഗാര്‍ഹികപീഡനം. ഗാര്‍ഹിക ബന്ധം എന്നതുകൊണ്ട് ഉദ്ദേശിക്കുന്നത് രക്തബന്ധം കൊണ്ടോ, വിവാഹം മൂലമോ, വിവാഹിതരാകാതെ ദമ്പതികളെപ്പോലെ താമസിക്കുകയോ,
സ്ത്രീധന നിരോധന നിയമത്തിന്‍റെ സാധ്യതകള്‍   1961 ലാണ്  സ്ത്രീധന നിരോധന നിയമം   നിലവില്‍ വന്നത്. നിയമം നിലവില്‍ വന്ന് ഇത്രയേറെ വര്‍ഷങ്ങള്‍ കഴിഞ്ഞിട്ടും സ്ത്രീധനത്തി ന്‍റെ  പേരിലുള്ള പ്രശ്നങ്ങള്‍ക്ക് ഒരു കുറവുമില്ല! എന്നാല്‍ സ്ത്രീധന നിരോധന നിയമത്തി ന്‍റെ പേരില്‍ രജിസ്ട്രര്‍ ചെയ്യുന്ന കേസുകള്‍ നമ്മുടെ നാട്ടില്‍ ഇല്ലെന്നു തന്നെ പറയാം! പകരം സ്ത്രീധനം കൊടുത്തു വിവാഹം നടത്തിയ ശേഷം എന്തെങ്കിലും പ്രശ്നങ്ങള്‍ ഉണ്ടായാല്‍ , വിവാഹമോചനത്തിന് കേസ് രജിസ്ട്രര്‍ ചെയ്യുന്ന അവസരത്തില്‍ 'സ്ത്രീധനം ചോദിച്ചു' എന്നോ 'വാങ്ങി' എന്നോ ഒക്കെയുള്ള കേസുകള്‍ കൂടി ഭര്‍ത്താവിനോ അയാളുടെ   വീട്ടുകാര്‍ക്കോ എതിരെ കൊടുക്കുന്നതാണ് കണ്ടു വരുന്നത്‌! എന്തുകൊണ്ടാണ് വിവാഹത്തിന് മുന്‍പ് തന്നെ ഇത്തരത്തില്‍ സ്ത്രീധനം ചോദിക്കുന്നവര്‍ക്കെതിരെ കേസ് കൊടുക്കാത്തത് എന്നത് ചിന്തിക്കേണ്ട ഒന്നാണ് . ഒരുപക്ഷെ വാങ്ങുന്നവനും കൊടുക്കുന്നവനും   കുറ്റവാളിയാകുന്നു എന്നതു കൊണ്ടാവാം സ്ത്രീധന നിരോധന നിയമം ഉപയോഗിക്കപ്പെടാത്തത്! പക്ഷെ  ആലോചിച്ച് ഉറപ്പിച്ച വിവാഹം നടക്കാതെ പോകും എന്ന ഭയത്തിന്‍റെ അടിസ്ഥാനത്തില്‍ സ്ത്രീധനം നല്‍കുന്ന

മുല്ലപ്പെരിയാര്‍- മനുഷ്യന്‍ മനുഷ്യനോടു ചെയ്യുന്ന കൊലച്ചതി

 banner from  Shaji Mullookkaaran When bulls fight the grass suffer  ശക്തി കുടിയവr പരസ്പരം കൊമ്പുകോര്‍ക്കുമ്പോഴും അര്‍മ്മാദിക്കുമ്പോഴും കാല്‍ക്കീഴിലെ പുല്ലുകള്‍ ചതഞ്ഞരയുന്നു. മുല്ലപ്പെരിയാര്‍ ഡാം, രണ്ടു സ്റ്റേറ്റ് ഗവണ്മെന്റുകള്‍ തമ്മിലുള്ള തര്‍ക്കമാണോ, വാശിയാണോ, ക്രിയാത്മകമായും ജനജീവിതത്തിന്റെ താല്‍പര്യത്തെ മുന്നിര്‍ത്തിയും പ്രശ്ന പരിഹാരത്തിനു വേണ്ടിയും, ശ്രമിക്കാന്‍ കഴിവില്ലാത്ത ഒരു കേന്ദ്ര ഗവണ്മെന്റിന്റെ നേതൃത്വരാഹിത്യമാണോ? നീതിന്യായവകുപ്പിന്റെ ഒത്തുകളിയാണോ? സാങ്കേതിക വിദഗ്ധരുടെ തീരുമാനങ്ങളെ സംശയിക്കുന്ന രാഷ്ട്ര്രിയ നേതാക്കളുടെ അഹന്തയാണോ? മനുഷ്യജീവനെക്കാള്‍ വലുതു വാണിജ്യവും പണവുമാണെണുള്ള പണച്ചിന്തയാണോ? പ്രകൃതി പ്രതിഭാസങ്ങളേ പോലും വിശ്വസിക്കാന്‍ കണ്ണൂം മനസുമില്ലാത്ത കാട്ടാള നേതൃത്വമാണോ? പ്രകൃതി വിഭവങ്ങളുടെ രഹസ്യക്കച്ചവടമാണോ? മുല്ലപ്പെരിയാറിനെക്കുറിച്ച് ഒരു പോസ്റ്റു എഴുതണമെന്നു വിചാരിച്ച് ചിലവായനകള്‍ നടത്തിയപ്പോള്‍ മനസില്‍ കൂടി കടന്നു പോയ ചിന്തകളാണ് മുകളീല്‍ എഴുതിയത്.  അതുപോലെ ഈ വായന നടത്തിയപ്പോള്‍  മനസിലായ ഒന്നാണ് മലയാളത്തില്‍ പൊതുവെ മുല്ലപ്പെരിയാറിനെ ക്കുറിച്ച് ആഴത്തിലുള്ള ലി