Skip to main content

പ്രേമവിവാഹമോ മറ്റുള്ളവർ തീർശ്ചപ്പെടുത്തുന്ന വിവാഹമോ

സോണി ടി.വി ഒരു പരിപാടി തയ്യാറാക്കുന്നുണ്ട്-Love Marriage or Arranged Marriage'. അതിലേക്കുള്ള ഒരു ചർച്ച ഇപ്പോൾ പലയിടത്തും നടക്കുന്നുണ്ട്.

പ്രേമ വിവാഹമോ, മറ്റുള്ള വർ തീർശ്ചപ്പടുത്തിയ വിവാഹമോ? ഏതാണ് നല്ലത്? ചോദ്യം വളരെ നിസ്സരമായി തോന്നും. പക്ഷെ എനിക്കങ്ങനെ തോന്നുന്നില്ല, കാരണം, നിങ്ങൾക്കു പ്രേമവിവാഹമാണോ ഇഷ്ടം എന്നു ചോദിച്ചാൽ, അതെ അല്ലെങ്കിൽ അല്ല എന്നു തുറന്നു പറയാനുള്ള സ്വാതന്ത്ര്യം നമ്മുടെ ആൺകുട്ടികൾക്കും പ്രത്യേകിച്ച് പെൺകുട്ടികൾക്കും ഉണ്ടോ. കേരളത്തിലെ അവസ്ഥയല്ല, ഇൻഡ്യയിലെ അവസ്ഥ മൊത്തം വച്ചാണ് ചോദ്യം. ഇതിൽ കേരളത്തിലെ അവസ്ഥ നോക്കിയാൽ, ഈ സ്വാതന്ത്യം നമ്മുടെ പെൺകുട്ടികൾക്കുണ്ടോ?



അതായത്, ഇഷ്ടമുള്ള ഒരാളെ ഇഷ്ടപ്പെടുക, എന്നു പറഞ്ഞാൽ അതേതു ജാതിയിലുള്ളതോ മതത്തിലുള്ളതോ നാട്ടിലുള്ളതോ ആളാകാം. ആ ആളെ വിവാഹം കഴിച്ച് ഒരുമിച്ചു താമസിക്കുക.

എനിക്കു പ്രേമവിവാഹമാണ് ഇഷ്ടം എന്ന  അഭിപ്രായം രേഖപ്പെടുത്താനുള്ള സ്വാതന്ത്ര്യമെങ്കിലും കേരളത്തിലെ പെൺകുട്ടികൾക്കുണ്ടോ? സിനിമയിലെ കഥകൾ കള, യാദ്ധാർഥത്തിൽ നടക്കാത്ത കാര്യങ്ങൾ നമ്മൾ സ്വപ്നത്തിൽ കാണുന്നു. അങ്ങനെയുള്ള സ്വപ്നങ്ങളുടെ സാദ്ധ്യതയെ മിനുക്കിയെടുത്ത് മുതലെടുക്കുകയാണല്ലോ സിനിമ ചെയ്യുന്നത്. അതുകൊണ്ട് അതു പോകട്ടെ. യദ്ധാർഥ്യത്തെ മുൻ നിർത്തി എന്താണ് നിങ്ങളുടെ അഭിപ്രായം.

ഇതൊരു ചർച്ചയണ്.  ഇതിൽ എല്ലാവരും പങ്കെടുക്കുമെന്നു പ്രതീക്ഷയോടെ.

ഞാൻ ഈ മത്സരത്തിലേക്ക് ഒരു പോസ്റ്റ് അയച്ചിട്ടുണ്ട്. Love Marriage or Arranged Marriage


Comments

  1. ഏതാ നല്ലത് ???

    ReplyDelete
  2. അതു ഒരാൾക്കു വേറൊരാളിനോടു പറഞ്ഞുതരാൻ പറ്റില്ലല്ലോ. സ്വയം തീരുമാനിക്കാനേ പറ്റു.

    ReplyDelete
  3. പടച്ചോനെ ഇതിപ്പോ ബല്ല്യ ഹലാക്കയല്ലോ.... ഞമ്മക്ക് പ്രേമവിവാഹമായിരുന്നു ബല്ല്ല്യ ഇശ്ടം പക്ഷേങ്കില് ഒരു ചുമട്ടുകാരി പോലും ഞമ്മന്റെ മോത്ത് നോക്കണില്ലാന്നു ബന്നപ്പോ ഞമ്മള് ഒരാളെ അറേഞ്ജ് ചെയ്ത് കബൂലാക്കി....ഒരു ജന്മത്തില് പ്രേമിക്കാൻ കഴിയത്തോര് ഇബടെ ഒരു ഒപ്പീനിയൻ പറയുന്നോണ്ട് ബല്ല്യ പ്രയോജനം ഉണ്ടെന്നു തോന്നണില്ലാ...ചുമട് ഒന്നിറക്കി ബെച്ചത് വീണ്ടും എടുത്തോണ്ട് ഞമ്മള് തൽക്കാലം പോണ്....

    ReplyDelete
    Replies
    1. ഉം ചൊമടൊന്നെറക്കി വച്ചല്ലോ നന്നായി. ഏതായാലും ഒരാളെ കബൂലാക്കിയല്ലോ. അപ്പോൽ ഇനി അവരെ പ്രേമിച്ചൂടേ? എന്താ ഭാര്യേ പ്രേമിക്കാൻ പറ്റൂല്ലേ?:)

      Delete
  4. സാഹചര്യങ്ങള്‍ നിര്‍ണ്ണയിക്കും. ഏതു വിവാഹമാണ് നല്ലത് എന്ന്.ലേഖനം വായിച്ചിരുന്നു

    ReplyDelete
  5. ഓരോ വ്യക്തിയുടെയും മാനസിക പക്വത അനുസരിച്ച് കാര്യങ്ങളെ സമീപിക്കട്ടെ അല്ലെ ! അല്ലെങ്കില്‍ ചപലമായ പ്രേമവും വിവാഹ ജീവിതവുമൊക്കെ കൂടിക്കുഴഞ്ഞു ബോറാവും .

    ReplyDelete
  6. ഞാൻ എനിക്കിഷ്ടമായ ഒരാള് കല്യാണാലോചന യുമായി എത്തിയപ്പോൾ സന്തോഷത്തോടെ വിവാഹിതയായി
    എന്റെ മക്കളോട് പറഞ്ഞു ആരെ ഇഷ്ടപ്പെട്ടാലും അത് ആദ്യം അറിയേണ്ടത് അമ്മയും അച്ഛനും ആയിരിക്കണം എന്ന്. എന്റെ മകളും പിന്നെ മകനും ആ തീരുമാനം ഞങ്ങളെ അറിയിച്ചു. അത്യധികം ആര്ഭാടത്തോടെ തന്നെ ഇന്ത്യയിലെ രണ്ടു സ്ഥലങ്ങളിൽ ഉള്ളവരെ കല്യാണം കഴിച്ചു. (മകൾ ഒരു ബംഗാളി ബ്രാഹ്മണ കുടുംബത്തിലെ ബഹുവായി മകൻ ഒരു പഞ്ചാബി കുടുംബതിലെ ജമായ് ആയി )
    രണ്ടുപേരും ഇപ്പോൾ ദൂരെ ദൂരെ കൂടു കൂട്ടി സുഖമായി ജീവിക്കുന്നു.

    ReplyDelete

Post a Comment

Popular posts from this blog

ഗാര്‍ഹിക പീഡന നിരോധന നിയമം

ഗാര്‍ഹിക പീഡന നിരോധന നിയമം പുരുഷന്മാര്‍ക്ക് എതിരെ മാത്രമാണെന്ന് പലര്‍ക്കും ഒരു തെറ്റിദ്ധാരണയുണ്ട്. പക്ഷെ ഈ നിയമം നിസ്സഹായരായ, പീഡനനുഭവിക്കുന്ന സ്ത്രീകളെ രക്ഷിക്കാന്‍ വേണ്ടിയുള്ളതാണ്, അതായത് ഈ നിയമ പ്രകാരം, ഒരു സ്ത്രീയെ ഉപദ്രവിക്കുന്നത് മറ്റൊരു സ്ത്രീയാണെങ്കില്‍ പോലും ശിക്ഷ ലഭിക്കും. നിര്‍ഭാഗ്യവശാല്‍ നിരപരാധികളായ പല പുരുഷന്മാരും ഈ നിയമത്തിന്റെ പേരില്‍ ക്രൂശിക്കപ്പെടുകയും എന്നാല്‍ അര്‍ഹതപ്പെട്ട സ്ത്രീകള്‍ക്ക്  ഇതിന്റെ ഗുണം കിട്ടാതിരിക്കുകയും ചെയ്യുന്നുണ്ട്. മറ്റെല്ലാ നിയമങ്ങളെക്കാളും ദുരുപയോഗം ചെയ്യപ്പെടുന്നതും ഈ നിയമം തന്നെ ! 2006 ഒക്ടോബര്‍ മാസം ഈ നിയമം നിലവിൽ വന്നു എങ്കിലും ഇതിനെക്കുറിച്ച്‌ ശരിയായ വിധത്തില്‍ ജനങ്ങളിലേക്ക് എത്തിക്കാനോ പ്രയോജനപ്പെടുത്താനോ ഇന്നുവരെ കഴിഞ്ഞിട്ടില്ല. ഈ നിയമം നിലവില്‍ വന്നതിനു ശേഷവും സ്ത്രീകള്‍ക്കെതിരെയുള്ള അക്രമങ്ങള്‍ കൂടിവരുന്നുവെന്നത് വേദനാജനകമാണ്.  ഗാര്‍ഹിക ബന്ധത്തില്‍പ്പെട്ട അംഗങ്ങളില്‍ നിന്നുണ്ടാകുന്ന പീഡനമാണ് ഗാര്‍ഹികപീഡനം. ഗാര്‍ഹിക ബന്ധം എന്നതുകൊണ്ട് ഉദ്ദേശിക്കുന്നത് രക്തബന്ധം കൊണ്ടോ, വിവാഹം മൂലമോ, വിവാഹിതരാകാതെ ദമ്പതികളെപ്പോലെ താമസിക്കുകയോ,
സ്ത്രീധന നിരോധന നിയമത്തിന്‍റെ സാധ്യതകള്‍   1961 ലാണ്  സ്ത്രീധന നിരോധന നിയമം   നിലവില്‍ വന്നത്. നിയമം നിലവില്‍ വന്ന് ഇത്രയേറെ വര്‍ഷങ്ങള്‍ കഴിഞ്ഞിട്ടും സ്ത്രീധനത്തി ന്‍റെ  പേരിലുള്ള പ്രശ്നങ്ങള്‍ക്ക് ഒരു കുറവുമില്ല! എന്നാല്‍ സ്ത്രീധന നിരോധന നിയമത്തി ന്‍റെ പേരില്‍ രജിസ്ട്രര്‍ ചെയ്യുന്ന കേസുകള്‍ നമ്മുടെ നാട്ടില്‍ ഇല്ലെന്നു തന്നെ പറയാം! പകരം സ്ത്രീധനം കൊടുത്തു വിവാഹം നടത്തിയ ശേഷം എന്തെങ്കിലും പ്രശ്നങ്ങള്‍ ഉണ്ടായാല്‍ , വിവാഹമോചനത്തിന് കേസ് രജിസ്ട്രര്‍ ചെയ്യുന്ന അവസരത്തില്‍ 'സ്ത്രീധനം ചോദിച്ചു' എന്നോ 'വാങ്ങി' എന്നോ ഒക്കെയുള്ള കേസുകള്‍ കൂടി ഭര്‍ത്താവിനോ അയാളുടെ   വീട്ടുകാര്‍ക്കോ എതിരെ കൊടുക്കുന്നതാണ് കണ്ടു വരുന്നത്‌! എന്തുകൊണ്ടാണ് വിവാഹത്തിന് മുന്‍പ് തന്നെ ഇത്തരത്തില്‍ സ്ത്രീധനം ചോദിക്കുന്നവര്‍ക്കെതിരെ കേസ് കൊടുക്കാത്തത് എന്നത് ചിന്തിക്കേണ്ട ഒന്നാണ് . ഒരുപക്ഷെ വാങ്ങുന്നവനും കൊടുക്കുന്നവനും   കുറ്റവാളിയാകുന്നു എന്നതു കൊണ്ടാവാം സ്ത്രീധന നിരോധന നിയമം ഉപയോഗിക്കപ്പെടാത്തത്! പക്ഷെ  ആലോചിച്ച് ഉറപ്പിച്ച വിവാഹം നടക്കാതെ പോകും എന്ന ഭയത്തിന്‍റെ അടിസ്ഥാനത്തില്‍ സ്ത്രീധനം നല്‍കുന്ന

മുല്ലപ്പെരിയാര്‍- മനുഷ്യന്‍ മനുഷ്യനോടു ചെയ്യുന്ന കൊലച്ചതി

 banner from  Shaji Mullookkaaran When bulls fight the grass suffer  ശക്തി കുടിയവr പരസ്പരം കൊമ്പുകോര്‍ക്കുമ്പോഴും അര്‍മ്മാദിക്കുമ്പോഴും കാല്‍ക്കീഴിലെ പുല്ലുകള്‍ ചതഞ്ഞരയുന്നു. മുല്ലപ്പെരിയാര്‍ ഡാം, രണ്ടു സ്റ്റേറ്റ് ഗവണ്മെന്റുകള്‍ തമ്മിലുള്ള തര്‍ക്കമാണോ, വാശിയാണോ, ക്രിയാത്മകമായും ജനജീവിതത്തിന്റെ താല്‍പര്യത്തെ മുന്നിര്‍ത്തിയും പ്രശ്ന പരിഹാരത്തിനു വേണ്ടിയും, ശ്രമിക്കാന്‍ കഴിവില്ലാത്ത ഒരു കേന്ദ്ര ഗവണ്മെന്റിന്റെ നേതൃത്വരാഹിത്യമാണോ? നീതിന്യായവകുപ്പിന്റെ ഒത്തുകളിയാണോ? സാങ്കേതിക വിദഗ്ധരുടെ തീരുമാനങ്ങളെ സംശയിക്കുന്ന രാഷ്ട്ര്രിയ നേതാക്കളുടെ അഹന്തയാണോ? മനുഷ്യജീവനെക്കാള്‍ വലുതു വാണിജ്യവും പണവുമാണെണുള്ള പണച്ചിന്തയാണോ? പ്രകൃതി പ്രതിഭാസങ്ങളേ പോലും വിശ്വസിക്കാന്‍ കണ്ണൂം മനസുമില്ലാത്ത കാട്ടാള നേതൃത്വമാണോ? പ്രകൃതി വിഭവങ്ങളുടെ രഹസ്യക്കച്ചവടമാണോ? മുല്ലപ്പെരിയാറിനെക്കുറിച്ച് ഒരു പോസ്റ്റു എഴുതണമെന്നു വിചാരിച്ച് ചിലവായനകള്‍ നടത്തിയപ്പോള്‍ മനസില്‍ കൂടി കടന്നു പോയ ചിന്തകളാണ് മുകളീല്‍ എഴുതിയത്.  അതുപോലെ ഈ വായന നടത്തിയപ്പോള്‍  മനസിലായ ഒന്നാണ് മലയാളത്തില്‍ പൊതുവെ മുല്ലപ്പെരിയാറിനെ ക്കുറിച്ച് ആഴത്തിലുള്ള ലി