Thursday, December 1, 2011

മുല്ലപ്പെരിയാര്‍- മനുഷ്യന്‍ മനുഷ്യനോടു ചെയ്യുന്ന കൊലച്ചതി

 banner from  Shaji Mullookkaaran

When bulls fight the grass suffer 

ശക്തി കുടിയവr പരസ്പരം കൊമ്പുകോര്‍ക്കുമ്പോഴും അര്‍മ്മാദിക്കുമ്പോഴും കാല്‍ക്കീഴിലെ പുല്ലുകള്‍ ചതഞ്ഞരയുന്നു.

മുല്ലപ്പെരിയാര്‍ ഡാം, രണ്ടു സ്റ്റേറ്റ് ഗവണ്മെന്റുകള്‍ തമ്മിലുള്ള തര്‍ക്കമാണോ, വാശിയാണോ, ക്രിയാത്മകമായും ജനജീവിതത്തിന്റെ താല്‍പര്യത്തെ മുന്നിര്‍ത്തിയും പ്രശ്ന പരിഹാരത്തിനു വേണ്ടിയും, ശ്രമിക്കാന്‍ കഴിവില്ലാത്ത ഒരു കേന്ദ്ര ഗവണ്മെന്റിന്റെ നേതൃത്വരാഹിത്യമാണോ? നീതിന്യായവകുപ്പിന്റെ ഒത്തുകളിയാണോ? സാങ്കേതിക വിദഗ്ധരുടെ തീരുമാനങ്ങളെ സംശയിക്കുന്ന രാഷ്ട്ര്രിയ നേതാക്കളുടെ അഹന്തയാണോ? മനുഷ്യജീവനെക്കാള്‍ വലുതു വാണിജ്യവും പണവുമാണെണുള്ള പണച്ചിന്തയാണോ? പ്രകൃതി പ്രതിഭാസങ്ങളേ പോലും വിശ്വസിക്കാന്‍ കണ്ണൂം മനസുമില്ലാത്ത കാട്ടാള നേതൃത്വമാണോ? പ്രകൃതി വിഭവങ്ങളുടെ രഹസ്യക്കച്ചവടമാണോ?

മുല്ലപ്പെരിയാറിനെക്കുറിച്ച് ഒരു പോസ്റ്റു എഴുതണമെന്നു വിചാരിച്ച് ചിലവായനകള്‍ നടത്തിയപ്പോള്‍ മനസില്‍ കൂടി കടന്നു പോയ ചിന്തകളാണ് മുകളീല്‍ എഴുതിയത്.  അതുപോലെ ഈ വായന നടത്തിയപ്പോള്‍  മനസിലായ ഒന്നാണ് മലയാളത്തില്‍ പൊതുവെ മുല്ലപ്പെരിയാറിനെ ക്കുറിച്ച് ആഴത്തിലുള്ള ലിറ്ററേച്ചറുകള്‍ ഇല്ല. ഉള്ളതൊക്കെ ഇംഗ്ലീഷിലാണ്.   അവയൊക്കെ ചുരുക്കമായ സമയത്തിനുള്ളില്‍ വായിച്ച്,  മുല്ലപ്പെരിയാറിന്റെ നാൾ വഴിച്ചരിത്രം ഒരു പോസ്റ്റു തയ്യാറാക്കാന്‍ ശ്രമിക്കയാണ്.  തെറ്റുകള്‍ കാണുന്നുണ്ടെങ്കില്‍ ചൂണ്ടിക്കാണിക്കുക

1.മുല്ലപ്പെരിയാര്‍- ജനനം

54 മീറ്റര്‍ ഉയരവും, 44,2 മീറ്റര്‍ അടിവിസ്ഥാരവുമുള്ള അണക്കെട്ട്,  കരിങ്കല്ലും, സുര്‍ക്കിയും, ചുണ്ണാമ്പും ചേര്‍ത്ത്  ബ്രിട്ടീഷിന്ത്യന്‍ ഭരണകാലത്താണ്, മുല്ലയാറും, പെരിയാറും ചേര്‍ന്നൊഴുകുന്ന ഭാഗത്തു  പണിചെയ്തത്.   1886ൽ തിരുവിതാംകൂർ മഹാരാജാവയിരുന്ന വിശാഖം തിരുനാളും ബ്രിട്ടീഷ് ഇന്ത്യയും തമ്മില്‍ എഴുതിയുണ്ടാക്കിയ ഒരു പാട്ടക്കരാര്‍ അനുസരിച്ചായിരുന്നു, അണക്കെട്ടു പണിതത്.  അതനുസരിച്ച് തിരുവിതാംകൂര്‍ മഹാരാജാവ്, അണക്കെട്ടിനു ചുറ്റുമുള്ള 8000 ഏക്കര്‍ സ്ഥലവും, അണക്കെട്ടിലെയും അതിന്റെ എങ്കാച്ചുമെന്റിലെയും  വെള്ളത്തിന്റെ അവകാശങ്ങളും, പ്രതി വര്‍ഷം നാല്പതിനായിരം റുപ്പിക വാടകക്ക്, തമിഴ് നാടിനു വിട്ടുകൊടുത്തു.  അന്നു തമിഴ്നാട്, ബ്രിട്ടീഷ് ഇന്ത്യന്‍ പ്രസിഡന്‍സിയായിരുന്നു.

ബ്രിട്ടിഷ് ഇന്ത്യയെ സംബന്ധിച്ച്, ആ കരാര്‍ തമിഴ് നാടിന്റെ വരള്‍ച്ച പരിഹരിക്കുന്നതിനുള്ള നീണ്ടനാളത്തെ മോഹം സാക്ഷാല്‍ക്കരിക്കുകയായിരുന്നെങ്കില്‍, മഹാരാജാവിനതു  ബ്രിട്ടീഷ്കാരുടെ ഭീഷണിക്കും തോക്കിനും മുന്‍പില്‍ കീഴ്പ്പെടലായിരുന്നു. “ 'എന്റെ ഹൃദയത്തില്‍നിന്നുള്ള രക്തം കൊണ്ടാണ് ഞാന്‍ കരാറില്‍ ഒപ്പിടാന്‍ അനുമതിനല്‍കിയത്'“ എന്നായിരുന്നു കരാറില്‍ ഒപ്പിട്ടുകഴിഞ്ഞപ്പോള്‍ രാജാവിന്റെ ഗദ്ഗദത്തോടെയുള്ള വാക്കുകള്‍ എന്ന് ശശിധരന്‍ മങ്കത്തില്‍ മുല്ലപ്പെരിയാറിനെക്കുറിച്ചുള്ള മാതൃഭൂമി സ്പെഷ്യല്‍ പേജില്‍ സാക്ഷിപ്പെടുത്തുന്നു.

1887 മുതൽ 1895 വരെ എട്ടുവർഷങ്ങളെടുത്താണ് അണക്കെട്ടു നിർമ്മാണം പൂർത്തിയാക്കിയത്. പൂർത്തീകരിച്ചു കഴിഞ്ഞപ്പോൽ പണിത എഞ്ചിനീയർ അതിനു കണ്ട ആയുസ് 50 വർഷമാണ് എന്നു പറഞ്ഞിരുന്നു. പക്ഷെ വ്യവസ്ഥയുടെ കാലാവധി 999 വർഷവും.  ഇപ്പോൾ അതിനു 116 വയസ്സായിരിക്കുന്നു.   വാർദ്ധക്യ സഹജമായ ക്ഷീണവും ആലസ്യവും അതിനെ ആലട്ടുന്നതു സ്വാഭാവികം.


1947ല്‍ ഇന്ത്യ സ്വാതന്ത്ര്യം പ്രാപിച്ചു. സ്വഭാവികമായും, മദ്രാസ് പ്രസിഡൻസിയും, തിരുവിതാംകൂറും ഇല്ലാതായി, പക്ഷെ കരാറിനു മാത്രം മാറ്റമൊന്നും സംഭവിച്ചില്ല. തന്നെയുമല്ല, 1970ല്‍ കേരള ഗവണ്മെന്റ്റും, തമിഴ് നാടു ഗവണ്മെന്റും തമ്മില്‍ ആ  പാട്ടക്കരാറു , പഴയ വ്യവസ്ഥയില്‍ വേറൊരു 999 കൊല്ലത്തെ കാലാവധിക്ക്, പുതുക്കിയെഴുതി.  

എന്നു പറഞ്ഞാല്‍, ഇന്നു തമിഴ്നാട്, ആന്ധ്രപ്രദേശില്‍ നിന്നു വാങ്ങിക്കുന്ന ഒരു TMC വെള്ളത്തിന് 3 കോടി റുപ്പിക നിരക്കില്‍  കൊടുക്കുമ്പോള്‍, കേരളത്തില്‍ നിന്നു വലിക്കുന്ന 70 TMC വെള്ളത്തിനു ആകെക്കൂടി ഒരു കൊല്ലത്തേക്ക്  കൊടുക്കുന്നത് 40,000 രൂപ. 


 2. 1970ലെ ഈ രണ്ടാം പട്ടയത്തെ കേരളത്തിന്റെ ഒരു മന്ദന്‍ ബുദ്ധി (blunder) ആയി കേരളം രഷ്ട്ര്രിയം തിരിച്ചറിഞ്ഞപ്പോഴേക്ക്,  വളരെ വൈകിപ്പോയി.

3.കേരളത്തിന്റെ വെള്ളം കേരളത്തിന്.
കാലം കഴിയവേ കേരളത്തിനു തന്റെ ജനങ്ങളുടെ ആളോഹരി വെള്ള വിഹിതം നല്‍കാന്‍ നിവൃത്തിയില്ലാത്ത അവസ്ഥയൂണ്ടായി.  കേരളത്തിന്റെ വെള്ളം കേരളത്തിന് എന്ന ആശയം എല്ലാ അര്‍ഥത്തിലും കേരളത്തിന്റെ ആവശ്യമായി.  1980 മുതല്‍ കേരളം അതിശക്തമായ ജലക്ഷാമവും വൈദ്യുതിക്ഷാമവും അനുഭവിക്കാന്‍ തുടങ്ങി. ഈ പ്രശ്നത്തിനൊരു പരിഹാരമായി ഇടുക്കി അണക്കെട്ടു നിർമ്മിച്ചെങ്കിലും അതിലെ വെള്ളത്തിന്റെ കുറവു കാരണം  പൂര്‍ണ കഴിവില്‍ അതു പ്രവര്‍ത്തനക്ഷമമക്കാന്‍ കഴിയാതെ വന്നു/ വരുന്നു.

4.അതേസമയം തമിഴ് നാടിന്റെ ഇറിഗേഷന്‍ ആവശ്യം വര്‍ദ്ധിച്ചുവരുകയും, മുല്ലപ്പെരിയാറില്‍ നിന്ന് എത്രയും വെള്ളം അതിലെ ആവശ്യങ്ങള്‍ക്കു നേടുന്നതിനുള്ള ശ്രമം അവരുടെ ഗവണ്മെന്റു ശക്തമാക്കുകയും ചെയ്തു കോണ്ടേയിരുന്നു. തമിഴ് നാട്ടിലെ തേനി, മദുര, ശിവഗംഗ, രാമനാഥപുരം തുടങ്ങിയ താലൂക്കുകള്‍ പൂര്‍ണമായും ഇറിഗേഷന്‍ ആവശ്യത്തിനായി, മുല്ലപ്പെരിയാര്‍ വെള്ളത്തെയാണ് ആശ്രയിക്കുന്നത്. 1990 ആയപ്പോഴേക്ക് മുല്ലപ്പെരിയാര്‍ വെള്ളമുപയോഗിച്ച് തമിഴ് നാടിന്റെ പെരിയാര്‍-വൈഗൈ ബെസിനിലെ ഇറിഗേഷന്‍ 44000 ഏക്കറിലേക്ക് അധികം വ്യാപിപ്പിച്ചു.

5. 1959നു ശേഷം മുല്ലപ്പെരിയാറില്‍ നിന്നു കോണ്ടുപോകുന്ന വെള്ളം ഉപയോഗിച്ച്, കേരളവുമായി യാതൊരു ലീഗല്‍ വ്യവസ്ഥകളുമില്ലാതെ, തനിഴനാട്, വൈദ്യതിയും ഉല്‍പ്പാദിപ്പിക്കാന്‍ തുടങ്ങി എന്നും വാര്‍ത്തയുണ്ട്.

6. 1979ല്‍, അതായത് കേരളം തമിഴ് നാടുമായുള്ള പുതിയ പട്ടയക്കരാര്‍ ഒപ്പിട്ട്, ഒന്‍പതു വര്‍ഷം കഴിഞ്ഞപ്പോള്‍, മുല്ലപ്പെരിയാര്‍ അണക്കെട്ടില്‍ വിള്ളലുകള്‍ പ്രത്യക്ഷപ്പെടാന്‍ തുടങ്ങി. അപ്പോള്‍ അതു നിര്‍മ്മിച്ചിട്ട് 84 വർഷം കഴിഞ്ഞിരുന്നു.  എന്നിട്ടും മുല്ലപ്പെരിയാറിന്റെ സ്വാഭാവികമായ ക്ഷീണാവസ്ഥ തമിഴ് നാടിനെ അലട്ടിയില്ല. പകരം, അണക്കെട്ടിന്റെ നിലനില്‍പ്പില്‍ കേരളത്തിനുണ്ടായ സ്വാഭാവികമായ ആശങ്കകളെ അവര്‍ നിരാകരിച്ചു. വൃദ്ധനും ആയുസ് കഴിഞ്ഞവനുമായ അണക്കെട്ടിൽ നിന്നും യാതൊരു പരിമിതികളും കൂടാതെ തങ്ങള്‍ക്കു ജലം കിട്ടുന്നതിലേക്ക് മാത്രം തമിഴ് നാട് ശ്രദ്ധ കേന്ദ്രീകരിച്ചു.


7.വിള്ളലിലൂടെയുണ്ടായ ചോർച്ചയെ തുടർന്ന്,  കേന്ദ്രം, മുല്ലപ്പെരിയാറിന്റെ പ്രശ്ന പരിഹാരത്തിലേക്ക്, കേരളത്തിന്റെ ആവശ്യത്തെ തുടന്ന് 1986ൽ നിയമിച്ച, CTC Central Water Commission, മുല്ലപ്പെരിയാറിന്റെ ജനനിരപ്പ് 136 അടിയിലേക്ക് താഴ്ത്തണമെന്നു നിർദ്ദേശിച്ചു. എങ്കിലും  കമ്മീഷന്‍ നിര്‍ദ്ദേശിച്ച അറ്റകുറ്റപ്പണികൾ തമിഴനാട് ചെയ്തു തീര്‍ത്തതിനു  ശേഷം ജലനിരപ്പ് 145 അടിയിലേക്ക് ഉയർത്താമെന്നും, ഡാമിന്റെ പാരപ്പറ്റ് രണ്ടടീ കൂടി മുകളിലേക്ക് ഉയർത്തിയാൽ, വീണ്ടൂം ഫുൾ കപ്പാസിറ്റി ലെവലിലേക്ക്-152 അടി- ഉയർത്താമെന്നും നിർദ്ദേശിച്ചു.

തമിഴനാട് അതനുസരിച്ച അറ്റകുറ്റപ്പണീകൾ നിവൃത്തിച്ചു.

8. 1990ൽ ആദ്യമായി കേരളഗവണ്മെന്റ് തമിഴ്നാടുമായുള്ള മുല്ലപ്പെരിയാർ ലീസിന്റെ ന്യായത്തെ ചൊദ്യം ചെയ്തു. മുഖ്യമന്ത്രി ഇ.കെ നയനാറിന്റെ വാക്കുകൾ:
"This agreement was executed at a time when there was only negligible utilisation of river waters for irrigation, power, industrial and other purposes and when the water a vailability situation on this (Kerala) side of the Western Ghats was completely different. There is considerable concern among large sections of people in Kerala about perceived gross inequities in this agreement. It is an open question whether an agreement between an erstwhile princely state and the British government, which was palpably inequitable, and which binds down future generations without any concern for changing circumstances, and which appears to contain provisions that contravene existing enactments, should continue to be legally binding."

9. 1999 ൽ കേരളത്തിന്റെ സ്വന്തം സാങ്കേതിക പഠനം അനുസരിച്ച്, മുല്ലപ്പെരിയാർ റിസർവോയറിന്റെ ജലനിരപ്പ് ഒരിക്കലും 136 അടിക്കുമുകളിലേക്ക് ഉയർത്തുന്നത്, ഡാം പൊട്ടിയാൽ, ഇല്ലാതാകുന്ന ലക്ഷക്കണക്കിനു കേരളീയരുടെ ജീവനെ കണക്കാക്കി അനുവദിക്കാനാ‍വില്ലെന്ന് അന്നത്തെ മുഖ്യ മന്ത്രി എ.കെ നായനാർ വാദിച്ചു.

10. കേരളത്തിലെ രാഷ്ട്രീയ നേതാക്കൾക്കു കുറച്ചൊക്കെ ബുദ്ധിവെച്ചന്നു കേട്ടപ്പോൾ തമിൾനാടിനു കാര്യങ്ങള്‍ കൈവിട്ടു പോയേക്കാം എന്ന ഭയം തോന്നി. പരിഹാരത്തിനായി സുപ്രിം കോടതിയെ ഉടൻ സമീപിച്ചു. അതേസമയം തമിഴ്നാട്ടിലെ കൃഷിക്കാരുടെ മുല്ലപ്പെരിയാറിൽ നിന്നു കൂടുതൽ വെള്ളം ആവശ്യപ്പെടുന്ന അനേക കേസുകൾ നിലവിൽ നിന്നിരുന്നു.  അതുപോലെ കേരളത്തില്‍ അണക്കെട്ടിന്റെ സുരക്ഷയെ സംബന്ധിച്ച കേസുകളും. വളരെ റ്റെക്നിക്കലായി,  തമിഴ്നാടു ഗവണ്മെന്റു, മുകളിൽ പറഞ്ഞ എല്ലാകേസുകളും സുപ്രിം കോടതിയിലേക്കു മാറ്റുന്നതിനുള്ള അനുമതി തേടുകയും അതുവഴി കേന്ദ്രത്തിനു സുപ്രിം കോടതിയുടെ നിർദ്ദേശമനുസരിച്ച്,  മുല്ലപ്പെരിയാർ പ്രശ്നത്തെക്കുറിച്ചു  പഠിക്കാൻ അവസരം കിട്ടുകയും ചെയ്തു. സുപ്രിം കോടതി കേസുകൾ പഠിച്ചതിനു ശേഷം,  വാട്ടര്‍ & റിസോഴ്സു(WR) വകുപ്പു മന്ത്രിയെ, ഇരു സംസ്ഥനത്തെയും മുഖ്യ മന്ത്രിമാരുടെ കൂടിക്കാഴ്ച ഒരുക്കുന്നതിലും,  ഉഭയ സമ്മതപ്രകാരം  (കൺസെൻസസ്)  പ്രശ്നം പരിഹരിക്കുന്നതിലേക്കും ചുമതലപ്പെടുത്തുന്ന ഒരുത്തരവ് 28-4-2000ൽ പാസാക്കി.

അതനുസരിച്ച്, ബഹുമാനപ്പെട്ട WR വകുപ്പു മന്ത്രി, 19-5-2000ല്‍ രണ്ടു സ്റ്റേറ്റിലെയും മുഖ്യമന്ത്രിമാരുടെ  യോഗം വിളിച്ചുകൂട്ടുകയും യോഗത്തിലെടുത്ത തീരുമാനമനുസരിച്ച്,  CWC യുടെ കീഴില്‍ രണ്ടു സ്റ്റേറ്റില്‍ നിന്നുമുള്ള ഏഴു സാങ്കേതിക വിദഗ്ധരെ ഉള്‍ക്കൊള്ളിച്ച് ഒരു വിദഗ്ധകമ്മിറ്റിയെ രൂപീകരിച്ച്, ആ കമ്മിറ്റിയെ അണക്കെട്ടില്‍ CWC യുടെ 1986ലെ നിർദ്ദേശം അനുസരിച്ചു തമിഴ്നാടു ചെയ്ത അറ്റകുറ്റപ്പണികളുടെ വിശദാംശത്തെക്കുറിച്ചു പഠിക്കുന്നതിനും അതനുസരിച്ച് ജലനിരപ്പ് ഉയർത്തുന്നതിനുള്ള തീരുമാനങ്ങൾ കൈക്കൊള്ളൂന്നതിലേക്കും ചുമതലപ്പെടുത്തി.
ഡാമിന്റെ സുരക്ഷയുടെ കരിനിഴലിൽ നിന്ന കേരളത്തിലെ ജനങ്ങളുടെ ജീവന്റെ നേരെയുള്ള അവഗണന വളരെ വ്യക്തമായി ഇവിടെ കാണാവുന്നതാണ് .


11. മുകളിൽ പറഞ്ഞ എഴംഗ ടെക്നിക്കൽ കമ്മിറ്റിയെ ഡാമിന്റെ ജലനിരപ്പുയർത്തുന്നതിലേക്കുള്ള സുരക്ഷ പഠനത്തിനായി നിയമിച്ചത് , ഏകപക്ഷീയമായിട്ടാണ് എന്നു നായനാർ പരാതിപ്പെട്ടു. അതു വഴി കേരളത്തിന്റെ സാങ്കേതിക വിദഗ്ധരുടെ പഠനങ്ങളെ  തള്ളീക്കളയേണ്ടി വരുന്ന അവസ്ഥക്കു കേരളം തയ്യാറല്ലെന്നും. ആദ്യമായി മുല്ലപ്പെരിയാർ പ്രശ്നത്തിൽ  രാഷ്ട്ര്രിയ പക്ഷപാതം കേന്ദ്രത്തിന്റെ പേരില്‍ കേരളം ആരോപിച്ചു.

11. 2001ല്‍ മുല്ലപ്പെരിയാര്‍ എന്വയണ്‍മെന്റല്‍ പ്രൊട്ടക്ഷന്‍ ഫോറം കേന്ദ്രത്തിനെതിരെ സുപ്രിം കോടതിയിൽ കൊടുത്ത കേസില്‍ , 27-02-2006ല്‍  തമിഴ്നാടിനനുകൂലമായ വിധിയുണ്ടായി. വിധിയനുസരിച്ച്, തമിഴ്നാടു ഗവണ്മെന്റിന്, അണക്കെട്ടിന്റെ ജലനിരപ്പ് 136 അടിയില്‍ നിന്ന് 142 അടിയിലേക്കും ,പാരപ്പെറ്റ് ഉയര്‍ത്തലിനുശേഷം 152 അടിയിലേക്കും ഉയര്‍ത്തുന്നതിനുള്ള അനുവാദമായി.
കേരളത്തിലെ നഷ്ടപ്പെടാവുന്ന ജനജീവിതത്തിലേക്കും തങ്ങൾക്കുത്തരവാദിത്തമുണ്ടെന്നുള്ള ജനാധിപത്യ മര്യാദയോ, മാനവികതയോ, കേന്ദ്രമോ തമിഴ്നാടോ, നീതിന്യായ വകുപ്പുകളോ കാട്ടാൻ തയ്യാറായില്ല എന്നു ചുരുക്കം. 

12.ഈ വിധിയെത്തുടർന്ന്, കേരളം Kerala Irrigation and Water Conservation (Amendment) Act 2006 പാസാക്കുകയും, 18-3-26ൽ ഗവർണർ അതു നിയമമാക്കുകയും ചെയ്തു.  ഈ നിയമം, മുല്ലപ്പെരിയാറിനെ  കാലഹരണപ്പെട്ട അണക്കെട്ടായി പ്രസ്താവിക്കയും, ആ കാരണത്താൽ, അതിന്റെ ജലനിരപ്പ് 136 അടിയിൽ നിന്ന് ഉയർത്തുന്നത് അഭികാമ്യമല്ലെന്നുറപ്പു വരുത്തുകയും ചെയ്തു.


13. 31-03-2006ൽ തമിഴ് നാട്, കേരളത്തിന്റെ ഈ നിയമം കോൺസ്റ്റുറ്റൂഷനൽ അല്ല എന്ന നിലവിളിയുമായി സുപ്രിം കോടതിയെ സമീപിച്ചു. അതു പോലെ 27-2.2006ലെ സുപ്രിം കോടതി വിധി നടപ്പാക്കി വെള്ളത്തീന്റെ നില 152 അടിയിലേക്ക് ഉയർത്തുന്നതിനു തങ്ങളെ അനുവദിക്കുന്ന നിയമത്തിനെതിരു നിൽക്കുന്ന കേരളത്തിന്റെ Kerala Irrigation and Water Conservation (Amendment) Act 2006 എന്നന്നേക്കുമായി നിരോധിക്കണം എന്നും സുപ്രിം കോടതിയോടാവശ്യപ്പെട്ടു.  ഇതിനെതിരെ കേരള കൊടുത്ത റിവ്യൂ  പെറ്റീഷന്‍ 27-7-2006ൽ സുപ്രിം കോടതി തള്ളീ.


 ഇത്രയും എഴുതിയതിൽ നിന്ന്,  മുല്ലപ്പെരിയാർ അണക്കെട്ടിന്റെ പേരിൽ കേരളം നേരിടുന്ന പ്രശ്നങ്ങളെ കണക്കിലെടുക്കാൻ പോലുമുള്ള മര്യാദ തമിഴനാടിനുണ്ടായില്ല എന്നു കാണാൻ വിഷമമില്ല.  അതുപോലെ തമിഴ്നാടിന്റെ നിലപാടിനോടുള്ള കേന്ദ്ര ഗവണ്മൈന്റെയും സുപ്രിം കോടതിയുടെ മൃദു നിലപാടുകളൂം.  കേരളത്തിന്റെയും തമിൾനാടിന്റെയും താല്പര്യങ്ങൾ ഇവിടെ പരസ്പര വിരുദ്ധങ്ങളാണ്. തമിഴനാടിന്റെ നിലപാട് തങ്ങൾക്ക് വെള്ളം കിട്ടണമെന്നു മാത്രമാണ്, അതിനുവേണ്ടി കാലഹരണപ്പെട്ട ഒരു അണക്കെട്ടിന്റെ അവസ്ഥയെ മാനിക്കാനോ, മനസിലക്കാനോ അവർ താല്പര്യം കാണിച്ചില്ല. കേന്ദ്രവും, നിയമയും അവരെ അനുകൂലിക്കുന്നതായുള്ള സംശയം ഇവിടെ ശക്തമാവുന്നു. 
രണ്ടു സ്റ്റെറ്റുകൾ തമ്മിൽ തർക്കങ്ങളുണ്ടാകുമ്പോൾ, ക്രിയാത്മകമായും ഭാവനാപൂർവവുമായ ഒരു പരിഹാരം കണ്ടെത്തുന്നതിലേക്ക് ശ്രമിക്കുകയായിരിക്കണം കേന്ദ്രത്തിന്റെ നിലപാട്.  അതുപോലെ ജനങ്ങളുടെ ജീവനായിരിക്കണം, ഏതു ഗവണ്മെന്റിന്റെയും ആദ്യത്തെ പരിഗണന

14. തമിഴ്നാടു ഗവണ്മെന്റ്, ലിപ്സ്റ്റിക്ക് തേച്ച് അടക്കാന്‍ ശ്രമിക്കുന്ന അണക്കെട്ടിന്റെ വിള്ളലുകളും ബലക്ഷയവും,   കേരളത്തിലെ ലക്ഷങ്ങളുടെ ജീവനു പുതിയ ഒരു ഭീഷണിയായത്, അതു നിലനില്‍ക്കുന്ന ഭൂവിഭാഗം ഒരു സെസ്മിക്ക് ഭൂവിഭാഗമാണെന്നു മനസിലായതൊടെയാണ്.  ജിയോളജിക്കല്‍ സര്‍വേയുടെ പഠനങ്ങള്‍ അനുസരിച്ച് മുല്ലപ്പെരിയാര്‍ ഭൂവിഭാഗത്തില്‍ റിക്ച്ചര്‍ സ്കെയിലില്‍ ആറുവരെ തീവ്രതയുള്ള ഭൂചലനങ്ങള്‍ ഉണ്ടാകാം. അതോടെ ഡാം പൊട്ടിത്തകരാന്‍ മറ്റു കാരണങ്ങളൊന്നും വേണ്ട എന്നും അവരുടെ പഠനങ്ങള്‍ അറിയിക്കുന്നു.

1988ജനുവരി ആറിനായിരുന്നു,  ആദ്യമായി അണക്കെട്ടിന്റെ മേഘലയിൽ ഭൂചലനം അനുഭപ്പെട്ടത്. അത് 2000ൽ പലതവണ ആവർത്തിക്കയും,  അടുത്തകാലത്ത്  നിരന്തരമായി ആവര്‍ത്തിക്കയും ചെയ്യുന്നു. അണക്കെട്ടിന്റെ ഭൂപാളികളില്‍ രൂപീകരിക്കപ്പെടുന്ന മര്‍ദ്ദരൂപീകരണത്തെക്കുറിച്ച് പഠനങ്ങള്‍ ആവശ്യത്തിനു മുന്നറിയിപ്പുകള്‍ നല്‍കിക്കഴിഞ്ഞു.  

ഇതു കേരളത്തിലെ ശാസ്ത്രജ്ഞന്മാരുടെ കെട്ടുകഥയല്ലെന്നെങ്കിലും ബഹുമാനപ്പെട്ട കേന്ദ്ര-തമിഴനാട് അധികാരികള്‍ മനസിലാക്കേണ്ടിയിരുന്നു.  കാബ്ബേജിനേക്കാല്‍ വില മനുഷ്യന്റെ ജീവനുകൊടുക്കേണ്ടിയിരുന്നു. 

പക്ഷെ മുല്ലപ്പെരിയാറിന്റെ തളര്‍ച്ചയും ഭൌമികപ്രശ്നങ്ങളും കേരളത്തിന്റേതുമാത്രമാണ് എന്നുള്ള രഷ്ട്രീയ, സാമ്പത്തിക മനോഭാവമായിരുന്നു അവരില്‍ നിന്നും പ്രത്യക്ഷത്തില്‍ വന്നുകൊണ്ടിരുന്നത്   മുല്ലപ്പെരിയാര്‍ കേരളീയരുടെ ജീവന്റെ  നേര്‍ക്കുള്ള ഒരു പ്രശ്നമാണ് എന്നുപോലും അവര്‍ അംഗീകരിക്കാന്‍ തയ്യാറയില്ല.   



അതുകൊണ്ട് കേരളത്തിന്റെ ഊര്‍ജ്ജം, മുല്ലപ്പെരിയാര്‍, ഒരു പ്രശ്നമാണ് എന്നു കേന്ദ്രത്തെയും തമിഴ്നാടീനെയും, സുപ്രിം കോടതിയേയും  മനസിലാക്കിക്കുന്നതിനും അവരെ ബോധവല്‍ക്കരിക്കുന്നതിനും മനസാക്ഷിയില്‍ ഒരു പോറലേല്‍പ്പിക്കുന്നതിനും വിണ്ടും വീണ്ടും ചിലവഴിച്ചുകൊണ്ടേയിരുന്നു.

15. 15-7.2008ൽ  , രൂർക്കി ഐ.ഐടി , ഡെല്‍ഹി, നടത്തിയ മുല്ലപ്പെരിയാറിന്റെ ഹൈഡ്രോളജിക്കൽ പഠനത്തെക്കുറിച്ചുള്ള ഒരു റിപ്പോർട്ട്, കേരളം സുപ്രിം കോടതിക്കു മുന്‍പാകെ സമര്‍പ്പിച്ചു. പഠനത്തില്‍, പ്രോബബിള്‍ മാക്സിമം ഫ്ലഡ് കടത്തിവിടുന്നതില്‍ നിലവിലുള്ള സ്പില്‍-വേയുടെ അപര്യാപ്തതതയേയും, [hydrologic ally unsafe for passing the estimated Probable Maximum Flood (2, 91,275 cusec / 8,248 cusec) with the existing spillway capacity],  മുല്ലപ്പെരിയാറിനു 5ല്‍ കൂടുതല്‍ റിക്ച്ചര്‍ സ്കെയിലില്‍ വരുന്ന  ഭൂചലനം താങ്ങാന്‍ ശക്തിയില്ല എന്നുള്ളതുമായ  വിവരങ്ങള്‍ മറ്റുള്ളവയെകൂടാതെ ഉള്‍പ്പെടുത്തിയിരുന്നു. അതിനെകൂറിച്ച്, CWC യുടെ ഹൈഡ്രളജിക്കല്‍ സ്റ്റഡീസ് ഓര്‍ഗനൈസേഷന്‍ തയ്യാറാക്കിയ അഭിപ്രായങ്ങള്‍ വാട്ടര്‍ റിസേര്‍ച്ച വകുപ്പ് മന്ത്രിയുടെ നിബന്ധനകള്‍ പ്രകാരം, ഗവണ്മെന്റ്അറ്റോര്‍ണ്ണിക്കയച്ചു കൊടുക്കുകയും, അറ്റോര്‍ണി, പഠനശേഷം റൂര്‍ക്കി പഠനത്തില്‍ ക്രമക്കേടുകള്‍ ഉണ്ടെന്നാരോപിക്കയും ചെയ്തു. [ “......Comments of Hydrological Studies Organisation, CWC on the report were forwarded to the Govt. Advocate as per instructions of MoWR vide CWC letter dated 13.10.08. CWC has commented that the difference in the adopted values of Design Rainfall (Storm) depth, Time distribution of rainfall, Unit hydrograph & Infiltration rate have resulted in estimation of higher flood peak (PMF) and the said studies by the IIT Professor does not appear to be well founded.“  പ്രധാനമന്ത്രി മന്മോഹര്‍ സിംഗിന്റെ ഫെസ്ബുക്കില്‍ നിന്ന്]


[ഇനിയും എഴുതുന്ന കാര്യങ്ങള്‍,  പ്രധാനമന്ത്രി, മന്മോഹന്‍ സിംഗ് മുല്ലപ്പെരിയാറിനെക്കുറിച്ച് ഫേസ്ബുക്കില്‍ എഴുതിയ വിവരങ്ങളെ അടിസ്ഥാ‍നപ്പെടുത്തിയാണ്]


16. കേരളം 2009 മെയില്‍ ഒരു പഠന കമ്മിറ്റി രൂപീകരിക്കയും,  അതേവര്‍ഷം ജൂണില്‍ അതിന്റെ റിപ്പോര്‍ട്ടു സമര്‍പ്പിക്കയും ചെയ്തു.  ഈ കമ്മിറ്റി, അണക്കെട്ടിന്റെ അടിഭാഗത്തിന്റെ മാപ് പഠനം നടത്തി ഡാമിന്റെ ബലക്ഷയത്തെക്കുറിച്ചു കൂടുതല്‍ മനസിലാക്കണമെന്നും, അതീവ സെന്‍സിറ്റീവ് ആയ കമ്പൂട്ടര്‍ ഓപ്പറേറ്റഡ് സെസ്മോഗ്രാഫ് സജ്ജീകരണങ്ങള്‍ ഡാം ഭൂവിഭാഗത്ത് സ്ഥാപിക്കണമെന്നും, അതുപോലെ അതീവ ഗുരുതര നിലയില്‍ എത്തിയ ഈ അണക്കെട്ട് യാതൊരു തരത്തിലും പുനരുദ്ധരിച്ച് ഉപയോഗപ്രദമാക്കാന്‍ സാദ്ധ്യമല്ലെന്നും അഭിപ്രായപ്പെട്ടു.  മുകളില്‍ പറഞ്ഞ കാരണങ്ങളുടെ അടിസ്ഥനത്തില്‍, കേന്ദ്ര വാട്ടര്‍ & റിസോഴ്സസ് മന്ത്രി, CWC ചെയര്‍മാനോട്, ജൂലൈ 2009ല്‍ ഒരു സംഘം ഓഫീസേഴ്സിനെ സജ്ഞമാക്കി മുല്ലപ്പെരിയാര്‍ സന്ദര്‍ശിക്കുന്നതിനും അതിന്റെ അന്നത്തെ അവസ്ഥയെക്കുറിച്ചു പഠിച്ച് റിപ്പോര്‍ട്ടു ചെയ്യുന്നതിനും ചുമതലപ്പെടുത്തി. ആ സന്ദര്‍ശനത്തിനു ജുലൈ 22-25, 2009 നിര്‍ദ്ദേശിക്കപ്പെട്ടു എങ്കിലും, തമിഴ്നാട് അതിനു തയ്യാറായെങ്കിലും മണ്‍സൂണ്‍ മഴയുടെ കാരണത്താല്‍ കേരളം അതിനു തയ്യാറായില്ല. പിന്നീട് ആ സന്ദര്‍ശനം നടപ്പിലായില്ല.
17. 31-7-2009ല്‍ സെക്രട്ടറി, വാട്ടര്‍ റിസേര്‍ച്ച്, രണ്ടു സംസ്ഥാനങ്ങളിലേയും അധികാരികളെ ഒരു മീറ്റിംഗിനു വിളിച്ചുകൂട്ടി. ആമീറ്റിംഗില്‍, ഒരു പുതിയ അണക്കെട്ടു നിലവിലുള്ള ഡാമിനു താഴെയായി നിര്‍മ്മിക്കുക മാത്രമാണ്, മുല്ലപ്പെരിയാറിന്റെ പരിഹാരം എന്നും അതിനു വേണ്ട പരിശോധനകളും സര്‍വേകളും പുരോഗമിക്കുന്നുണ്ട് എന്നും കേരളത്തിന്റെ പ്രതിനിധി അറിയിച്ചു. അതുപോലെ  തമിഴ്നാടിന്റെ വെള്ള ആവശ്യം കേരളം അംഗീകരിക്കുന്നുവെന്നും പുതിയ അണക്കെട്ടിന്റെ നിര്‍മ്മാണ ശേഷം, രണ്ടു രാജ്യങ്ങളും തമ്മില്‍ നിലവിലുള്ള അതേ വ്യവസ്ഥയില്‍ തന്നെ അവര്‍ക്കു വെള്ളം കൊടുക്കുന്നതു തുടരുമെന്നു കേരളത്തിന്റെ പ്രതിനിധി അഭിപ്രായപ്പെടുകയും ചെയ്തു. (...“Representative of Kerala stated in the meeting that the Govt. of Kerala also recognizes the established uses of water from the dam by Tamil Nadu as per the existing agreement between the two States and will continue the same after the construction of a new dam...”)

കേരളത്തിന്റെ പുതിയ ഡാമിന്റെ  പ്ലാന്‍   കിട്ടിയാലുടന്‍ അതിനെക്കുറിച്ചു പഠിച്ച് മറുപടികൊടുക്കാമെന്നു തമിഴനാടും സമ്മതിച്ചു.


18. എന്നാല്‍  14-09-09ല്‍ തമിഴനാടു കേന്ദ്രത്തിനയച്ച കത്തില്‍, പഴയ അണക്കെട്ട് അറ്റക്കുറ്റപ്പണികള്‍ക്കു ശേഷം പുതിയ അണക്കെട്ടിനെപ്പോലെ പ്രവര്‍ത്തിക്കുന്നു എന്നും അതിനാല്‍ കേരളത്തിനങ്ങനെയൊരു പുതിയ അണക്കെട്ട് ഉണ്ടാക്കേണ്ടിതിന്റെ ആ‍വശ്യം തമിഴ് നാടു അംഗീകരിക്കുന്നില്ലെന്നും, ആ വിവരം കേരളത്തെയും കേന്ദ്രത്തെയും അറിയിച്ചു കഴിഞ്ഞു എന്നും അറിയിച്ചു.   തമിഴനാട് മുഖ്യമന്ത്രി 13-07- 09ല്‍ കേരള മുഖ്യമന്ത്രിക്കയച്ച് ഒരു കത്തില്‍ കേരള ഗവണ്മെന്റ് ഇനി ഡാം പുത്തുക്കിപ്പണിയുന്ന കാര്യം ഉയര്‍ത്തുകയില്ല എന്നും അറിയിച്ചതായും അറിയിച്ചു.

15. 26-09-2009ല്‍ കേരള ഗവണ്മന്റ്,  31-07-2009ല്‍ നടന്ന മീറ്റിംഗിന്റെ മിനിറ്റിനെ പരാമര്‍ശിച്ച്,   കേരള ഗവ. ഡാം പണിതു കഴിയുമ്പോള്‍, നിലവിലുള്ള കരാറില്‍,  തമിഴനാടിനു വെള്ളം നല്‍കാം എന്നെഴുതിയത്  മിനിറ്റെലെ തെറ്റാണെന്നു തിരുത്തി, പകരം കേരളം ഉദ്ദേശിച്ചത് തമിഴ് നാടിനു വെള്ളം കൊടുക്കാന്‍ തങ്ങള്‍ തയ്യാറാണ് എന്നു മാത്രമാണെന്നും അറിയിച്ചു. (“The Govt. of Kerala vide letter dated 26.9.2009 sent comments on the minutes of the meeting dated 31.7.2009 mentioning that the statement “The Govt. of Kerala also recognizes the established use of water from the dam by the Tamil Nadu as per the existing agreement between the two States and continue the same after the construction of new dam” is not acceptable. What was mentioned in the meeting was that Kerala is willing to give water to Tamil Nadu.“)


19. 10-11-2009ല്‍, ബഹുമാനപ്പെട്ട സുപ്രിം കോടതി  കേസുകള്‍ പഠിച്ചതിനു ശേഷം, അതു കോണ്‍സ്റ്റിറ്റൂഷനല്‍ ബഞ്ചിന്റെ  പരിഗണനയിലേക്ക് അവതരിപ്പിക്കുന്നതിനു വേണ്ടി, ഇന്ത്യയുടെ  ചീഫ് ജസ്റ്റീസിനു മുന്‍പാകെ അവതരിപ്പിച്ചു. [“As the case involves the resolution of said questions, the suit may be placed before the Hon’ble Chief Justice of India for necessary directions for placing it before a constitution Bench.“]

20. 18-02-2010ല്‍  അഞ്ചു ജഡ്ജികള്‍ അടങ്ങൂന്ന ഒരുസുപ്രിം കോര്‍ട്ട് ബഞ്ച് കേസു പഠിക്കയും, പഠനശേഷം കേന്ദ്ര ഗവണമെന്റിനോട്, ഒരു എമ്പവേര്‍ഡ് കമ്മിറ്റി (Empowered Committee) രൂപീകരിച്ച്, കേസിനോടു ബന്ധപ്പെട്ട എല്ലാ പാര്‍ട്ടികളും ഉയര്‍ത്തുന്ന പ്രശ്നങ്ങള്‍ കേള്‍ക്കുന്നതിനും, ആറുമാസത്തിനുള്ളില്‍ അവയെക്കുറിച്ചുള്ള റിപ്പോര്‍ട്ടു സമര്‍പ്പിക്കുന്നതിനും ചുമതലപ്പെടുത്തി. 


21. 29-02-2010 ലെസുപ്രിം കോടതിയുടെ ഉത്തരവനിസരിച്ച്,  കേന്ദ്രത്തിന്റെ മിനിസ്ട്രി ഒഫ് വാട്ടര്‍ റിസോര്‍സസ്, എമ്പവേര്‍ഡ് കമ്മിറ്റി രൂപീകരിച്ചു. സെപ്റ്റംബര്‍ 20, 2010ല്‍ സുപ്രിം കോടതി ഈ കമ്മിറ്റിയുടെ കാലാവധി 28 ഒക്ടോബര്‍ 2011 ലെ ഓര്‍ഡര്‍ അനുസരിച്ച്, വേറൊരു ആറുമാസത്തേക്കു നീട്ടി. 
24 നവംബര്‍ 2010ലാണ് പ്രധാന്മന്ത്രിയൂടെ ഫേസ് ബുക്കില്‍ കാണിച്ചിരിക്കുന്ന ഡേറ്റു. 
 അതിനാല്‍ ഈ കമ്മിറ്റിയുടെ പഠനത്തെക്കുറിച്ചു കൂടുതല്‍ വിവരങ്ങള്‍ അവിടെ ലഭിക്കുന്നീല്ല.

22. എന്നല്‍ ഈ കമ്മിറ്റിക്കെന്തു പറ്റി, എന്നു വിക്കിപീഡിയ ഇങ്ങനെ പറയുന്നു.  മുന്‍.റിട്ടയാര്‍ഡ് ജഡ്ജ് എ.എസ്. ആനന്ദിന്റെ നേതൃത്വത്തില്‍ രൂപീകരിച്ച കമ്മിറ്റിയോട് അന്നത്തെ തമിഴ്നാടു മുഖ്യമന്ത്രിയായിരുന്ന കരുണാനിധിക്ക് അനുകൂലമല്ലായിരുന്നു. പകരം കോണ്‍ഗ്രസ് പ്രസിഡന്‍ഡിനോട് അദ്ദേഹം കേരളവും തമിഴനാടും തമ്മില്‍ മീഡിയേറ്റ് ചെയ്തു പ്രശ്നം പരിഹരിക്കാന്‍ കേന്ദ്രം തയ്യാറാകണമെന്ന് ആവശ്യപ്പെട്ടു.  അന്നത്തെ കേരള വാട്ടര്‍ റിസോഴ്സ് മന്ത്രി,  എന്‍.കെ .പ്രേമചന്ദ്രന്‍ മുന്‍ സുപ്രിം കോര്‍ട്ട് ജഡ്ജ്, കെ.ടി തോമസിനെ കേരളത്തിന്റെ കമ്മിറ്റി റെപ്. ആയി നിയമിച്ചു.  അതുപോലെ കേരളത്തിന് പുതിയതായ ഡാം നിര്‍മ്മിക്കുന്നതിനും, അതില്‍ അവകാശം സ്ഥാപിക്കുന്നതിനും, അതിന്റെ നടത്തിപ്പിനും അറ്റകുറ്റപ്പണികള്‍ നിര്‍വഹിക്കുന്നതിനും,  വ്യക്തമായി നിണയിച്ച വ്യവസ്ഥകളുടെ അടിസ്ഥാനത്തില്‍ തമിഴ്നാടിനു വെള്ളം കൊടുക്കുന്നതിനുമുള്ള അധികാരമുണ്ടായിരിക്കണമെന്ന് കേരള അംസംബ്ലിയില്‍ വ്യക്തമാക്കുകയും ചെയ്തിരുന്നു. 


പരിഹാരങ്ങള്‍
1. മുകളീല്‍ നിരത്തിയ ചരിത്രത്തില്‍ നിന്ന്, മുല്ലപ്പെരിയാര്‍ പ്രശ്നത്തിന് ഒരു രാഷ്ട്രീയ പരിഹാരമോ, നിയമപരിഹാരമോ  അസാദ്ധ്യമായി നില്‍ക്കുന്നു എന്നു കണാം.  സുപ്രിം കോടതിയില്‍ കേസെത്തിച്ചതു തമിഴ്നാടാണ്, പക്ഷെ, എമ്പവേര്‍ഡ് കമ്മിറ്റിയോടു സഹകരിക്കാതെ നില്‍ക്കുന്നതും തമിഴ് നാടാണ്.  എമ്പവേര്‍ഡ് കമ്മിറ്റിയുടെ പഠനത്തിന്റെ അടിസ്ഥാനത്തിലാണ് സുപ്രിം കോടതിയുടെ  വിധിയുണ്ടാകുന്നത്. എന്നു പറഞ്ഞാല്‍ സുപ്രിം കോടതിയില്‍ നിന്ന് ഒരു വിധി ഒരിക്കലും ഉണ്ടാവില്ല, മുല്ലപ്പെരിയാര്‍ പ്രശ്നം എന്നു സ്ബ്ജൂഡിസ് ആയി നിലകൊള്ളൂം.

കേരളത്തില്‍ മുല്ലപ്പെരിയാര്‍ പൊട്ടും. ലക്ഷങ്ങള്‍ക്ക് ജീവനാശം സംഭവിക്കും. ഒരു സാദ്ധ്യതയാണത്. ഇവിടെ ഒരു പരിഹാരം ജനങ്ങള്‍ക്കാണ് ഉണ്ടാക്കാന്‍ കഴിയുന്നത്.

യദ്ദാര്‍ഥത്തില്‍ ഇതു തമിഴനാട്ടിലേയും കേരളത്തിലെയും ജനങ്ങളുടെ പ്രശ്നമാണ്.

കേരളത്തിലെ ജനങ്ങളെ സംബന്ധിച്ച് ഇത്:
1. 35 ലക്ഷം ജീവന്റെ പ്രശ്നമാണ്.
2. അതോടൊപ്പം അതു വളരെ അസുലഭമായ പ്രകൃതി വിഭവങ്ങളെടെയും പ്രശ്നമാണ്.  മുല്ലപ്പെരിയാര്‍ അഞ്ചു ജില്ലകളിലെ മാത്രം പ്രശ്നമാണ് എന്നു കരുതുന്ന കേരളക്കാരുണ്ടെങ്കില്‍ ചിന്തിക്കുക. 44 നദികളും അതിനുള്ളില്‍ അണക്കെട്ടുകളും ഉള്ള കേരളത്തില്‍ എന്തുകൊണ്ട്, ലോഡ് ഷെഡിങ് ഉണ്ടാകുന്നു.  കേരളത്തിന്റെ വികസനത്തിനാവശ്യമായി വരുന്ന വ്യാവസായിക- ഇന്‍ഡസ്റ്റ്രിയല്‍ വികസനത്തിനൊഴിച്ചുകൂടാന്‍ പാടില്ലാത്തതാണ് അതിന്റെ അടിസ്ഥാന പ്രകൃതി വിഭവങ്ങള്‍.  അതിന്റെ നേര്‍ക്ക് ഉള്ള ഭീഷണി കേരളത്തിന്റെ നേര്‍ക്കുള്ള മൊത്തം ഭീഷണിയാണ്. ഇന്നത്തെക്കുറിച്ചു മാത്രമല്ല പത്തോ ഇരുപതോ വര്‍ഷം കഴിഞ്ഞുള്ള ഭാവിയേക്കുറിച്ചും ഇന്നു ചിന്തിക്കേണ്ടതുണ്ട്.

അതുപോലെ ഇതു കേരളത്തിനു പുറത്തു താമസിക്കുന്ന മലയാളിയുടെയും പ്രശ്നമാണ്.  ജീവിക്കാന്‍ വേണ്ടി, ലോകത്തിന്റെ നാനാഭാഗങ്ങളീല്‍ അനേക ത്യാഗങ്ങളും കഷ്ടതകളും വിരഹദുഖങ്ങളും അനുഭവിച്ചു ജീവിക്കുന്ന മലയാളിക്ക്, അവന്റെ ജീവിത സമ്പാദ്യവും കുടുംബങ്ങളും കേരളത്തിലാണ്. ഒരു കാലത്ത് അവര്‍ തിരിച്ചു ചെല്ലുമ്പൊള്‍, പ്രക്രുതി സമ്പത്ത് അന്യാധീനപ്പെട്ടു പോയ ഒരു തരിശു കേരളത്തെക്കുറിച്ച് അവര്‍ ഭയക്കേണ്ടിയിരിക്കുന്നു.  നാടും, കാടൂം തോടും പുഴയും അതിലെ വെള്ളങ്ങളും അവന്റെ നിലനില്‍പ്പിന്റെയും സ്വപ്നങ്ങളുടെയും ഭാഗങ്ങളാണ്.  ദൈവത്തിന്റെ സ്വന്തം നാടു അവനൊരോമ്മമാത്രമായി അവശേഷിക്കരുത്.

3. അതേ സമയം തമിഴ്നാട്ടിലെ ജനങ്ങളെ സംബന്ധിക്കുന്നതു മാത്രമാണ് ഈ പ്രകൃതി വിഭവമായ വെള്ളത്തിന്റെ പോരായ്മ എന്ന തെറ്റായ ധാരണയാണ്, തമിഴ് അധികാരികളും അവിടുത്തെ ജനങ്ങളും വരച്ചുകാട്ടുന്നത്.

തമിഴരെ ഈ അടിസ്ഥാന വിഭവമായ ജലത്തിന്റെ അഭാവം ബാധിക്കുന്നുണ്ട്. കേരളത്തില്‍ നിന്ന് ബലം പ്രയോഗിച്ചു തരപ്പെടുത്തിയ മുല്ലപ്പെരിയാര്‍ കരാര്‍ അങ്ങനെയൊരു കഥകുടി പറയുന്നുണ്ട്.  പക്ഷെ, തമിഴ് നാടിന്റെ മക്കള്‍ക്ക് വെള്ളം കൊടുക്കുന്നില്ല എന്നു കേരളം പറയുന്നില്ല.   പിന്നെ എന്തുകൊണ്ട്, കാലഹരണപ്പെട്ട ഒരണക്കെട്ടിന്റെ കെടുതിയില്‍ നിന്ന് അയല്‍ സംസ്ഥാ‍നത്തെ ജനങ്ങളെ കരകയറ്റുക എന്നുള്ള  ധാര്‍മ്മികമായ കടമയില്‍ നിന്ന് അവര്‍ പിന്മാറുന്നു? കാരണം, തമിള്‍ നാടിനു വെള്ളം തുശ്ചമായ വിലക്കു കിട്ടണം.  124 കൊല്ലത്തിനു മുന്‍പുണ്ടാക്കിയ ജനാധിപത്യപരമല്ലാത്ത ഒരു പട്ടയത്തിന്റെ പുറകെ അവര്‍ കടിച്ചു പിടിച്ചു കിടക്കുന്നത് അതുകോണ്ടാണ് എന്നു കാണാന്‍ ബുദ്ധിമുട്ടില്ല. പക്ഷെ 124 കൊല്ലത്തിനു മുന്‍പുള്ള പ്രകൃതി വിഭവസാഹചര്യമല്ല ഇന്നു കേരളത്തിന്റേത് എന്നവര്‍ മനസിലാക്കണം. (യശ:ശരീരനായ മുന്‍ കേരള മുഖ്യ മന്ത്രി എ.കെ. നായനാരുടെ വക്കുകള്‍ ഓര്‍ക്കുക) അങ്ങനെവരുമ്പോള്‍ ഇതു സ്വാര്‍ഥതയുടെയും തമിള്‍മക്കളോടു തന്നെയുള്ള അവരുടെ നേതാക്കളുടെ അവഗണനയുടെയും പ്രശ്നമാണ് എന്നു കാണാം.

തമിള്‍ മക്കള്‍ക്ക് ആവശ്യമായ വെള്ളം എന്തുകൊണ്ട് ന്യായമായ വിലകൊടുത്തു കേരളത്തില്‍ നിന്നു വാങ്ങിക്കൊടുക്കാന്‍ അവരുടെ ഭരണാധികള്‍ വിമുഖത കാണിക്കുന്നു. അതു കേരളത്തിന്റെ യോ കേരള മക്കളുടെയോ പ്രശ്നമല്ല. അതിനെക്കുറിച്ച് തമിഴ് വാല്യക്കാരു പാട്ടുപാടിയതുകൊണ്ടോ, വികാരപരമായ വീഡിയോകള്‍ ഇറക്കിയതു കോണ്ടോ പരിഹാരമാകില്ല.  പകരം അവരുടെ ഗവണ്മെന്റ് അവരുടെ നേര്‍ക്കു കാണിക്കുന്ന അവഗണനയെക്കുറിച്ചു മനസിലാക്കണം

തനിഴ് നാടു മുഖമന്ത്രി ജയലളിത, പ്രധാനമന്ത്രി മന്മോഹന്‍ സിംഗിനോട്, കേരളമുഖ്യമന്ത്രി ഉമ്മന്‍ ചാണ്ടിയോട് കേരളത്തിലെ ജനങ്ങളില്‍ ഭയം ഉണ്ടാക്കരുത് എന്നു പറയാന്‍, ആജ്ഞാപിച്ചതായി വാര്‍ത്ത വായിച്ചു.  തമിഴ് നാട്ടിലെ ചുട്ടുപൊള്ളുന്ന വറുതിക്ക്, പാടുപെട്ടു കൃഷീ ചെയ്തു നാടിനു സമ്പത്തുണ്ടാക്കൂന്ന കൃഷിക്കാര്‍ക്ക്, അതേ കാപ്പിറ്റലിസ്റ്റ്-മാര്‍ക്കറ്റ് വ്യവസ്ഥയനുസരിച്ചുള്ള വില കൊടുത്തു വെള്ളം വാങ്ങിക്കൊടുക്കാന്‍ ആയമ്മയോട്, പ്രധാനമന്ത്രിയോ മുഖ്യ മന്ത്രിയോ പറഞ്ഞു കാണുമോ?

ഇതു ജനങ്ങളുടെ നേര്‍ക്കുള്ള വെല്ലുവിളീയാണ്.   കേരളത്തിലെയും തമിഴനാട്ടിലേയും ജനങ്ങളുടെ നേര്‍ക്കുള്ള അവഗണനയാണ്. ഇതിനിടയില്‍ നിന്ന്, തമിഴനു നേരെ കേരളക്കാരെ ഉപയോഗിക്കയും, കേരളക്കാരനു നേരെ തമിഴനെ ഉപയോഗിക്കയും ചെയ്യുന്ന അധികാരമുള്ളവരുടെ തന്ത്രത്തെ മനസിലാക്കേണ്ടിയിരിക്കുന്നു.  അതിനാല്‍ ഇത് ജനങ്ങളുടെ -തമിഴനാട്ടിലെയുംകേരളത്തിലെയും- അവഗണ്‍നക്കു നേരെയുള്ള ഒരു പ്രസ്ഥാന്മായി വളര്‍ത്താന്‍ കഴിയേണ്ടിയിരിക്കുന്നു.  അതിനെങ്ങനെ കഴിയാം എന്നുള്ളതാണ്, മനുഷ്യസ്നേഹികള്‍ ശ്രമിക്കേണ്ടത്.

വളരെ കുറച്ചു നേരമേ ഇനി ബാക്കിയുള്ളു.

4. അതുപോലെ ഒരു പുതിയ അണക്കെട്ടു പണിയാന്‍ തീരുമാനമായതു കോണ്ടുമാത്രം പ്രശ്നം തീരുന്നില്ല. പുതിയ അണക്കെട്ടിലെ വെള്ളം ഏതു വ്യവസ്ഥയില്‍ തമിള്‍നാടിനു കോടുക്കുന്നു എന്നുള്ളതില്‍ തീരുമാനമെടുക്കാനുള്ള അവകാശം കേരളമക്കള്‍ക്കുണ്ട്, മരിക്കാന്‍ മാത്രമല്ല. 1886ഉം 1970 ആവര്‍ത്തിക്കാനുള്ള സദ്ധ്യതകള്‍ ഇനിയുമൂണ്ട്. അതിനെതിരെ ജാഗ്രത പാലിക്കേണ്ടതുണ്ട്. അതുപോലെ സമാധാനപര്‍മായും ബുദ്ധിപൂര്‍വവുമായ ഒരു ജനകീയ മൂവിനു കേരളം തയ്യാറാകേണ്ടതുണ്ട്. 


***********


Ref:
1.        അണക്കെട്ടിന്റെ ചരിത്രവും കരാറും
 2.   ജലാവകാശവും കേരളവും
http://workersforum.blogspot.com/2011/09/blog-post_12.html3. Dr. Manmohan Singh' s facebook   

http://www.facebook.com/dr.manmohansingh/posts/10150392877192655
 4.   Mulla Periyar Dam issue-Minstry of Water Resources

http://wrmin.nic.in/index3.asp?sslid=733&subsublinkid=751&langid=1 


5.truthdrive
http://truthdive.com/2011/11/19/mullaperiyar-dam-shows-cracks-after-tremors.html
6. ROAD TO GROW
http://jithutakemail.wordpress.com/2011/11/26/save-mullaperiyar-dam-from-disaster-save-kerala-save-lives/

7. Frontline

http://www.hindu.com/fline/fl1724/17240420.htm

8. 1886ലെയും 1970ലെയും പാട്ടക്കരാറുകള്‍ 
http://www.facebook.com/MULLAPERIYAR/posts/241131702618036


Saturday, November 19, 2011

സ്ത്രീധന നിരോധന നിയമത്തിന്‍റെ സാധ്യതകള്‍  





1961ലാണ്  സ്ത്രീധന നിരോധന നിയമം   നിലവില്‍ വന്നത്. നിയമം നിലവില്‍ വന്ന് ഇത്രയേറെ വര്‍ഷങ്ങള്‍ കഴിഞ്ഞിട്ടും സ്ത്രീധനത്തിന്‍റെ  പേരിലുള്ള പ്രശ്നങ്ങള്‍ക്ക് ഒരു കുറവുമില്ല! എന്നാല്‍ സ്ത്രീധന നിരോധന നിയമത്തിന്‍റെ പേരില്‍ രജിസ്ട്രര്‍ ചെയ്യുന്ന കേസുകള്‍ നമ്മുടെ നാട്ടില്‍ ഇല്ലെന്നു തന്നെ പറയാം! പകരം സ്ത്രീധനം കൊടുത്തു വിവാഹം നടത്തിയ ശേഷം എന്തെങ്കിലും പ്രശ്നങ്ങള്‍ ഉണ്ടായാല്‍ , വിവാഹമോചനത്തിന് കേസ് രജിസ്ട്രര്‍ ചെയ്യുന്ന അവസരത്തില്‍ 'സ്ത്രീധനം ചോദിച്ചു' എന്നോ 'വാങ്ങി' എന്നോ ഒക്കെയുള്ള കേസുകള്‍ കൂടി ഭര്‍ത്താവിനോ അയാളുടെ  വീട്ടുകാര്‍ക്കോ എതിരെ കൊടുക്കുന്നതാണ് കണ്ടു വരുന്നത്‌! എന്തുകൊണ്ടാണ് വിവാഹത്തിന് മുന്‍പ് തന്നെ ഇത്തരത്തില്‍ സ്ത്രീധനം ചോദിക്കുന്നവര്‍ക്കെതിരെ കേസ് കൊടുക്കാത്തത് എന്നത് ചിന്തിക്കേണ്ട ഒന്നാണ് .


ഒരുപക്ഷെ വാങ്ങുന്നവനും കൊടുക്കുന്നവനും   കുറ്റവാളിയാകുന്നു എന്നതു കൊണ്ടാവാം സ്ത്രീധന നിരോധന നിയമം ഉപയോഗിക്കപ്പെടാത്തത്! പക്ഷെ  ആലോചിച്ച് ഉറപ്പിച്ച വിവാഹം നടക്കാതെ പോകും എന്ന ഭയത്തിന്‍റെ അടിസ്ഥാനത്തില്‍ സ്ത്രീധനം നല്‍കുന്നത് കുറ്റമല്ല എന്ന് ഡല്‍ഹി ഹൈക്കോടതി പറഞ്ഞിട്ടുണ്ട്.  'പൂജ സക്സേന' എന്ന യുവതിക്കും  വീട്ടുകാര്‍ക്കും എതിരെ ഭര്‍തൃവീട്ടുകാര്‍  സമര്‍പ്പിച്ച ഹര്‍ജി തള്ളിക്കൊണ്ടാണ് കോടതി ഈ വിധി പറഞ്ഞത്. ഇത്തരം കേസുകളില്‍ സ്ത്രീധനം കൊടുക്കുന്നവര്‍ കുറ്റവാളികള്‍ ആവുന്നില്ല, പകരം വാങ്ങുന്നവര്‍ക്ക് മാത്രമേ ശിക്ഷ ലഭിക്കൂ... അതുകൊണ്ട് തന്നെ അത്തരം  ഭയം നിമിത്തം  കേസ് കൊടുക്കാതിരിക്കേണ്ട കാര്യമില്ല.

എന്‍റെ അഭിപ്രായത്തില്‍ സ്ത്രീധനം എന്ന വിപത്ത് പാടെ ഇല്ലാതാക്കാന്‍ മാതാപിതാക്കളും പെണ്‍കുട്ടികളുമടങ്ങുന്ന സമൂഹം കൂടി ശ്രദ്ധവയ്ക്കണം... സ്ത്രീധനം ചോദിച്ചു വരുന്ന ഒരാള്‍ക്ക്‌  മകളെ വിവാഹം ചെയ്തു കൊടുക്കില്ല എന്ന് രക്ഷിതാക്കളും, അങ്ങനെ ഒരാളുടെ കൂടെ ജീവിക്കാന്‍ - അയാള്‍ തന്‍റെ കാമുകന്‍ ആണെങ്കില്‍ പോലും - തയ്യാറല്ല എന്ന് പെണ്‍കുട്ടികളും പറയാന്‍ ധൈര്യം കാണിച്ചാല്‍ ഒരു പരിധി വരെ ഇത് ഇല്ലാതാക്കാനാവും...  (പ്രേമ വിവാഹങ്ങളില്‍ പോലും സ്ത്രീധനം കണക്കുപറഞ്ഞു വാങ്ങുന്ന വിരുതന്‍ കാമുകന്മാരെ കണ്ടിട്ടുണ്ട്. സ്നേഹിച്ച പുരുഷനെ കിട്ടാന്‍ വേണ്ടി അവനും, അവന്‍റെ വീട്ടു കാരും ചോദിക്കുന്നതെന്തും   സ്വന്തം മാതാപിതാക്കളെക്കൊണ്ട് കൊടുപ്പിക്കുന്ന , അതിനുള്ള സാമ്പത്തിക ശേഷി ഇല്ലെങ്കില്‍ പോലും കരഞ്ഞും ഉപവാസമിരുന്നും ഒക്കെ   മാതാപിതാക്കളെ സമ്മതിപ്പിക്കുന്ന, പെണ്‍കുട്ടികളും നമ്മുക്കിടയിലുണ്ട് !) 

മകളുടെ നല്ല ഭാവിക്ക് വേണ്ടി രക്ഷിതാക്കള്‍ സ്വമനസാലെ കൊടുക്കുന്നതോ, അതുമല്ലെങ്കില്‍ പെണ്‍കുട്ടികള്‍ക്ക് അവകാശപ്രകാരം കിട്ടേണ്ടതായ സ്വത്തുക്കള്‍ വിവാഹ സമയത്ത് കൊടുക്കുന്നതോ തെറ്റല്ല. അങ്ങനെ ചെയ്യുന്നുവെങ്കില്‍ , അതെങ്ങനെ കൊടുക്കണം എന്ന് നിയമത്തില്‍ വ്യക്തമായി പറയുന്നുണ്ട്... അതറിയാത്ത ചുരുക്കം ചിലരെങ്കിലും ഉണ്ടായേക്കാം... അവര്‍ക്കുവേണ്ടി ആ നിയമം ഇവിടെ  കൊടുക്കുന്നു. 


സ്ത്രീധന നിരോധന നിയമം



സ്ത്രീധനം കൊടുക്കുന്നതും വാങ്ങുന്നതും മാത്രമല്ല കുറ്റകരം, സ്ത്രീധനം ആവശ്യപ്പെടുന്നതോ താല്പര്യങ്ങള്‍ വിജ്ഞാപനം ചെയ്യുന്നതോ പോലും  സ്ത്രീധന നിരോധന നിയമ പ്രകാരം ശിക്ഷാര്‍ഹമാണ്. സ്ത്രീധനം വാങ്ങുന്നതിനോ കൊടുക്കുന്നതിനോ വേണ്ടിയുള്ള കരാറുകള്‍ അസാധുവാണ്. അഥവാ കൊടുത്താല്‍ തന്നെ  അത് ഭര്‍ത്താവോ  ബന്ധുക്കളോ വധുവിന്‍റെ (ഭാര്യയുടെ) പേരിലുള്ള നിക്ഷേപമായി  സൂക്ഷിക്കണം. അവള്‍ ചോദിക്കുമ്പോള്‍ തിരിച്ചു കൊടുക്കുകയും വേണം. യഥാര്‍ത്ഥത്തില്‍ സ്ത്രീധനത്തുക കൈവശം വന്നതിന് ശേഷം മൂന്ന് മാസത്തിനകം അത് വധുവിന്‍റെ പേരിലേയ്ക്ക് മാറ്റിയിരിക്കണം.

സ്ത്രീധനമെന്നതുകൊണ്ട് ഈ നിയമത്തില്‍ ഉദ്ദേശിക്കുന്നത് -വിവാഹ ബന്ധത്തിലേ‌ര്‍‌പ്പെടുന്ന വധൂവരന്മാരുടെ രക്ഷകര്‍ത്താക്കള്‍ പരസ്പരം നേരിട്ടോ മറ്റൊരാള്‍ മുഖേനയോ, വിവാഹത്തിനു മുന്‍പോ ശേഷമോ, വിവാഹത്തോടനുബന്ധിച്ച് കൊടുക്കുന്നതോ വാഗ്ദാനം ചെയ്യപ്പെട്ടിട്ടുള്ളത ആയ വിലപിടിപ്പുള്ള വസ്തുക്കള്‍, ഉറപ്പുകള്‍ എന്നിവയെയാണ്. എന്നാല്‍ മുസ്ലീം വ്യക്തിനിയമപ്രകാരമുള്ള ഇഷ്ടദാനങ്ങള്‍, മെഹറുകള്‍ എന്നിവ ഇതില്‍ ഉള്‍‌പ്പെടുകയില്ല.

വിവാഹത്തിനോ അതിനു ശേഷമോ രക്ഷകര്‍ത്താക്കളോ ബന്ധുക്കളോ സ്വമേധയാ സന്തോഷത്തോടുകൂടി നല്‍കുന്ന പരമ്പരാഗതമായ ഉപഹാരങ്ങള്‍ സ്ത്രീധനത്തില്‍ ഉള്‍‌പ്പെടുന്നില്ല. എന്നാല്‍ ഭാവിയില്‍ അതെചൊല്ലി ഒരു പ്രശ്നമുണ്ടാകാതിരിക്കുവാനായി, വധുവിനും വരനും ലഭിയ്ക്കുന്ന വസ്തുക്കളുടെ ഒരു ലിസ്റ്റ് തയ്യാറാക്കി രണ്ടു പേരുടേയും ഒപ്പുകളോടുകൂടി സൂക്ഷിക്കുവാന്‍ 1985ലെ  സ്ത്രീധന നിരോധന നിയമത്തില്‍ നിര്‍‌ദ്ദേശിച്ചിട്ടുണ്ട്.



ശിക്ഷാനടപടികള്‍



ഇന്ത്യന്‍ പീനല്‍ കോഡില്‍ (ഇന്ത്യന്‍ ശിക്ഷാ നിയമം) 498 എ വിഭാഗം- സ്ത്രീധനത്തെ ചൊല്ലിയുള്ള പീഢനത്തിനെതിരെയും , 304 ബി വിഭാഗം-സ്ത്രീധനത്തെ ചൊല്ലിയുള്ള മരണത്തിനെതിരെയും നിലനില്‍ക്കുന്നു. മറ്റൊരു വിഭാഗം 406, ഇത് സ്ത്രീധനപീഢനം മൂലമുള്ള ആത്മഹത്യയ്ക്കുള്ള പ്രേരണാകുറ്റത്തിനെതിരായും നിലനില്‍ക്കുന്നു.

സ്ത്രീധനം വാങ്ങുന്നതും കൊടുക്കുന്നതും, വാങ്ങുന്നതിനോ കൊടുക്കുന്നതിനോ പ്രേരിപ്പിക്കുന്നതും ചുരുങ്ങിയത് 5 കൊല്ലത്തേയ്ക്കുള്ള തടവിനും 15000 രൂപയോ സ്ത്രീധന തുകയോ ഇതില്‍ ഏതാണ് കൂടുതല്‍ ആ തുകയ്ക്കുള്ള പിഴയ്ക്കും ബാധകമായ കുറ്റങ്ങളാണ്.

സ്ത്രീധനം ആവശ്യപ്പെട്ടാല്‍ 6 മാസം മുതല്‍ രണ്ട് വര്‍ഷം വരെ നീട്ടാവുന്ന തടവുശിക്ഷ ലഭിക്കാവുന്നതാണ്. കൂടാതെ 10000 രൂപ പിഴയും ഒടുക്കേണ്ടി വന്നേയ്ക്കാം.

മാധ്യമങ്ങളിലൂടെ സ്ത്രീധനം കൊടുക്കുന്നതിനോ വാങ്ങുന്നതിനോ ഉള്ള പരസ്യം കൊടുത്താല്‍ 6 മാസം മുതല്‍ 5 വര്‍ഷം വരെ നീട്ടാവുന്ന തടവുശിക്ഷയോ 15000 രൂപ വരെ പിഴയോ ലഭിക്കാവുന്നതാണ്.

സ്ത്രീധന തുക വധുവിന്‍റെ പേരില്‍ നിര്‍‌ദ്ദേശിക്കപ്പെട്ടിട്ടുള്ള സമയപരിധിയ്ക്കുള്ളില്‍ നിക്ഷേപിച്ചില്ലെങ്കില്‍ 6 മാസം മുതല്‍ 2 വര്‍ഷംവരെയുള്ള തടവോ  5000 രൂപ മുതല്‍ 10000 രൂപ വരെയുള്ള പിഴയോ രണ്ടും കൂടിയോ ശിക്ഷ ലഭിയ്ക്കാവുന്നതാണ്.

ഈ നിയമ പ്രകാരമുള്ള കുറ്റകൃത്യങ്ങള്‍ അറസ്റ്റിനുതകുന്നതും, ഒത്തുതീര്‍പ്പുകള്‍‌ക്ക് സാധ്യതയില്ലാത്തതും, ജാമ്യം കിട്ടാത്തതുമായ വകുപ്പുകളില്‍‌പ്പെടുത്തിയിരിക്കുന്നു. അറസ്റ്റ് ചെയ്യുന്നതിന് വാറണ്ട് നിര്‍ബന്ധമാക്കിയിട്ടുണ്ട്.

ഒരു സ്ത്രീധന സംബന്ധമായുള്ള കേസ് കോടതിയില്‍ വന്നാല്‍ കുറ്റവിമുക്തനാക്കുന്നതിന് വേണ്ട തെളിവുകള്‍ നല്‍കുന്നതിനുള്ള ബാധ്യത ആരോപണവിധേയനായ വ്യക്തിയുടേതാണ്.



ആരോട് എവിടെ കുറ്റാരോപണം നടത്താം



ഏതു വ്യക്തിയ്ക്കും അടുത്തുള്ള പോലീസ് സ്റ്റേഷനില്‍ കേസ് കൊടുക്കാം. കല്യാണം കഴിഞ്ഞ് പത്തുവര്‍ഷങ്ങള്‍ക്കുള്ളില്‍ കേസ് ഫയല്‍ ചെയ്യാം.

ഒരു മെട്രോപ്പൊളിറ്റന്‍ മജിസ്‌ട്രേറ്റിനോ, ഫസ്റ്റ് ക്ലാസ്സ് മജിസ്‌ട്രേറ്റിനോ, ജുഡീഷ്യല്‍ മജിസ്‌ട്രേറ്റിനോ പോലീസ് റിപ്പോര്‍ട്ട് പ്രകാരമോ , പരാതിപ്പെടുന്ന വ്യക്തി, രക്ഷകര്‍ത്താക്കള്‍, ബന്ധുക്കള്‍, അംഗീകരിക്കപ്പെട്ട സാമൂഹ്യ സേവക സംഘടനകള്‍ എന്നിവരുടെപരാതിയുടെ അടിസ്ഥാനത്തിലോ ഈ നിയമപ്രകാരം കേസെടുക്കാം.



--------------------------------------------------------------------



പണ്ടു കാലത്ത് പുരുഷന്‍ മാത്രം സമ്പാദിച്ചിരുന്നതുകൊണ്ടാവാം  ഒരു പെണ്‍കുട്ടിയുടെ വിവാഹസമയത്ത് അവളെ ഇനിയുള്ള കാലം പോറ്റാനുള്ള ചിലവിലേക്ക്‌ ഒരു തുകയായോ സ്വര്‍ണ്ണമായോ ഒക്കെ രക്ഷിതാക്കള്‍ കൊടുത്തിരുന്നത്. അതുമല്ലെങ്കില്‍ പണ്ട് പെണ്‍മക്കള്‍ക്ക്‌ സ്വത്തില്‍ അവകാശമില്ലാതിരുന്നത് കൊണ്ട് അവരെ വിവാഹം കഴിപ്പിച്ചയക്കുന്ന അവസരത്തില്‍ മാതാപിതാക്കള്‍ തങ്ങളുടെ സ്വത്തിന്‍റെ ഒരു ഓഹരി സ്ത്രീധനം എന്ന പേരില്‍ കൊടുത്തിരുന്നതും ആവാം. പക്ഷെ സാഹചര്യങ്ങള്‍  മാറിയാലും, നിയമം മാറിയാലും, ആചാരങ്ങള്‍ മാത്രം അതുപോലെ തന്നെ, ഒരുപക്ഷെ അതിനേക്കാള്‍ തീവ്രതയില്‍ പിന്തുടര്‍ന്ന് പോരുന്നതാണ് ഒരുതരത്തില്‍ നമ്മുടെ നാട്ടിലെ കുഴപ്പം ! ഇന്ന് ഒട്ടുമിക്ക കുടുംബങ്ങളിലും സ്ത്രീയും പുരുഷനും ഒരുപോലെ സമ്പാദിക്കുന്നു... ചിലയിടങ്ങളില്‍ ഭര്‍ത്താവിനെക്കാള്‍ കൂടുതല്‍ ശമ്പളം ഭാര്യയ്ക്കുണ്ട്, എങ്കിലും അവള്‍ക്ക് വിവാഹത്തിന് വീട്ടുകാര്‍ എന്തുകൊടുത്തു എന്നതാണ് എല്ലാവരുടെയും നോട്ടം ! സമൂഹത്തിലെ ഒരു വിഭാഗത്തിന് സ്റ്റാറ്റസ് കാണിക്കാനുള്ള ഒരുപാധിയാണ് സ്ത്രീധനം !! അത്തരക്കാര്‍  കാരണം സാമ്പത്തികമായി പിന്നോക്കം നില്‍ക്കുന്ന കുടുംബങ്ങളിലെ പെണ്‍കുട്ടികളുടെ വിവാഹം നടക്കാന്‍  സ്ത്രീധനം 'ഡിമാന്റ്റ്'  ചെയ്തില്ലെങ്കിലും കൊടുക്കാന്‍ രക്ഷിതാക്കള്‍ നിര്‍ബന്ധിതരാവുന്നു... ഇത്തരം ദുരാചാരങ്ങള്‍ ഒന്നും  നിയമം കൊണ്ട് മാത്രം തടുക്കാന്‍ ആവില്ലെന്ന് ഈ നിയമത്തിന്‍റെ പരാജയത്തില്‍ നിന്നും മനസിലാക്കാം... അതിനു സമൂഹം കൂടി മനസു വയ്ക്കണം. കുറഞ്ഞപക്ഷം കൊടുക്കുന്ന സ്വത്തുകള്‍ ഈ നിയമത്തില്‍ പറയും പ്രകാരം കൊടുത്താല്‍ ഭാവിയില്‍ അതിന്‍റെ പേരില്‍ വിഷമിക്കാതിരിക്കുകയെങ്കിലും ചെയ്യാം....  

മേല്‍പറഞ്ഞ നിയമങ്ങള്‍ ഒന്നും പാലിക്കാതെ സ്ത്രീധനം കൊടുത്തു വിവാഹംകഴിപ്പിച്ചു വിട്ട ശേഷം പരസ്പരം പൊരുത്തപ്പെടാന്‍ ആവാതെ  ഭര്‍ത്താവില്‍ നിന്നും വിവാഹ മോചനം ആവശ്യപ്പെട്ടുകൊണ്ടുള്ള ഒരു സ്ത്രീയുടെ കേസ് ഞങ്ങളുടെ ഓഫീസില്‍ ഉണ്ടായിരുന്നു. അവര്‍ക്ക് മാതാപിതാക്കള്‍ കൊടുത്ത സ്ത്രീധനത്തിന് രേഖകള്‍ ഒന്നും തന്നെ അവര്‍ കൈവശം സൂക്ഷിച്ചിരുന്നില്ല. പക്ഷെ അവരുടെ വിവാഹ ഫോട്ടോകളുടെയും വിശ്വസനീയമായ സാക്ഷിമോഴികളുടെയും അടിസ്ഥാനത്തില്‍ , അവര്‍ക്ക് മാതാപിതാക്കള്‍ വിവാഹ സമയത്ത് കൊടുത്ത അന്‍പതു പവന്‍ സ്വര്‍ണാഭരണങ്ങളുടെഅന്നത്തെ മൂല്യത്തിനനുസരിച്ചുള്ള വില നല്കാന്‍ കോടതി വിധിയുണ്ടായി... നിയമം അനുസരിക്കാത്തവര്‍ക്ക് പോലും അനുകൂല വിധിയുണ്ടാവുന്നു !  ഇതില്‍ കൂടുതല്‍ എങ്ങനെയാണ് കോടതികള്‍ക്ക് സഹായിക്കാനാവുക !! ഇപ്പോഴും സ്ത്രീധനത്തിന്‍റെ പേരില്‍ സ്ത്രീകള്‍ പീഡിപ്പിക്കപ്പെടുന്നുവെങ്കില്‍ അത് നമ്മുടെ നാട്ടിലെ നിയമങ്ങളുടെ കുറവുകൊണ്ടല്ല, മറിച്ച് അതിനെ കുറിച്ചുള്ള അറിവില്ലായ്മ കൊണ്ടോ, അറിവുണ്ടായിട്ടും ആ നിയമങ്ങള്‍ അനുസരിക്കാത്തത് കൊണ്ടോ ഒക്കെയാണ്... 

--------------------------------------------------------------------------------------------------
--------------------------------------------------------------------------------------------------                 

Monday, November 7, 2011

പെൺ പരിസ്ഥിതി


ലോകമാകമാനം പരിസ്ഥിതി സംരക്ഷണത്തിനു വേണ്ടി അക്ഷീണം സമരം ചെയ്ത, ഇപ്പോഴും സമരം ചെയ്യുന്ന എല്ലാവരാലും അറിയപ്പെടുന്നവരും അതേ സമയം ആരാലും അറിയപ്പെടാത്തവരും, അംഗീകരിയ്ക്കപ്പെടാത്തവരുമായ ഒട്ടനവധി നല്ല മനുഷ്യർക്കും ഈയിടെ അന്തരിച്ച പരിസ്ഥിതി പോരാളിയായ വംഗാരി മതായിയ്ക്കും മുൻപിൽ ആദരവോടെ………


പലപ്പോഴും പൂർണമായും ഉത്തരവാദികൾ ആവാറില്ലെങ്കിലും, എല്ലാ തിക്തഫലങ്ങളും വരിവരിയായി പെണ്ണുങ്ങളെ തേടി വരാറുണ്ട് എന്ന കാ‍രണത്താൽ ഈ മഹാ പ്രപഞ്ചത്തിന്റെ ഏതു പ്രശ്നവും എല്ലായ്പ്പോഴും പെൺപ്രശ്നം കൂടിയാണ്. പരിസ്ഥിതിയെ നിർലജ്ജം ചൂഷണം ചെയ്ത് നശിപ്പിയ്ക്കുന്ന ആധിപത്യ മൂല്യങ്ങൾ, അധിനിവേശ ക്രൂരതകൾ, പരിഗണനയില്ലായ്മയും അനുതാപക്കുറവും, വെറുതേ ഒരു ഗമയും പൊലിപ്പും കാണിച്ചു കൂട്ടലുമാകുന്ന ആഡംബര പ്രദർശനം,  പ്രപഞ്ച പത്തായത്തിൽ ടൺ കണക്കിന് നീക്കിയിരിപ്പുണ്ടെന്ന തെറ്റിദ്ധാരണയിൽ ചെയ്തുകൂട്ടുന്ന അനിയന്ത്രിതമായ ഉപഭോഗം.. ഇപ്പറഞ്ഞതിന്റെയെല്ലാം ഒഴിവാക്കാനാവാത്ത ദുരന്തങ്ങൾ കൂടുതൽ പേറുന്നത് സ്ത്രീകളും കുട്ടികളുമാണ്.

രാഷ്ട്രീയ തീരുമാനങ്ങളിലോ സാമ്പത്തിക തീരുമാനങ്ങളിലോ മത തീരുമാനങ്ങളിലോ ശാസ്ത്ര കലാ സാഹിത്യ സാംസ്ക്കാരിക ചരിത്ര (വിട്ടു പോയ മേഖലകൾ പൂരിപ്പിയ്ക്കണമെന്ന അപേക്ഷയോടെ) തീരുമാനങ്ങളിലോ ഒന്നും നേരിട്ടൊരിയ്ക്കലും പങ്ക് വഹിയ്ക്കാൻ കാര്യമായ അവസരമില്ലാത്തതു പോലെ (ഇടയ്ക്ക് ബിനാമിയാവാൻ പറ്റാറുണ്ടേ!) പരിസ്ഥിതി തീരുമാനങ്ങളിലും വലിയ അവസരമൊന്നും സ്ത്രീകൾക്ക് കിട്ടാറില്ല. എങ്കിലും എല്ലാറ്റിന്റേയും സൈഡ് ഇഫക്ടുകളും നേരിട്ടുള്ള ഇഫക്ടുകളും കൂടുതൽ ആഞ്ഞടിയ്ക്കുമെന്നതുകൊണ്ട് സ്ത്രീകൾക്ക് ഇവയെക്കുറിച്ചെല്ലാം ഉൽക്കണ്ഠപ്പെട്ടേ മതിയാകൂ എന്ന ചുമതലയുമുണ്ട്. 

സ്ത്രീകൾക്ക് മാത്രം മതിയോ ഈ പരിസ്ഥിതി? മനുഷ്യ രാശിയ്ക്ക് മുഴുവൻ നിലനിൽ‌പ്പ് ഉണ്ടാവേണ്ടുന്ന കാര്യമായതുകൊണ്ട് പുരുഷന്മാർക്കും വേണ്ടേ? അതുകൊള്ളാം, അപ്പോൾ ഈ മനുഷ്യർക്ക് മാത്രമായിട്ടെങ്ങനെയാണ് നിലനില്പ് വരുന്നത്? സമസ്ത ജീവജാലങ്ങൾക്കും ജീവനില്ലാത്ത ജാലങ്ങൾക്കുമൊക്കെ വേണം ഈ പറഞ്ഞ പരിസ്ഥിതി. എന്നാൽ മറ്റു ജീവജാലങ്ങൾക്കില്ലാത്ത വിവേകവും വിവേചന ബുദ്ധിയുമുണ്ടെന്നഭിമാനിയ്ക്കുന്ന മനുഷ്യർ ഏറ്റവും കൂടുതൽ നിന്ദിയ്ക്കുന്നതും, അപമാനിയ്ക്കുന്നതും, ബലാത്സംഗം ചെയ്യുന്നതും, തകർത്തു തരിപ്പണമാക്കി മുച്ചൂടും മുടിച്ചു കളയുന്നതും ഈ പരിസ്ഥിതിയെയാണല്ലോ.

പ്രപഞ്ചത്തിലെ എല്ലാ സഹജീവികളോടുമുള്ള പരിഗണന, ഉത്തരവാദിത്തം, ചുമതല ഇതെല്ലാം ചേർന്നതായിരിയ്ക്കേണ്ടേ പരിസ്ഥിതിയോടുള്ള ഓരോ മനുഷ്യരുടേയും ഇടപെടൽ? അതു വെറുതേ ഏതെങ്കിലും (ഉദാഹരണത്തിന് ജനിതക മാറ്റം വരുത്തിയ വിത്തുകൾ ഉപയോഗിച്ചുള്ള) മരം നട്ടു പിടിപ്പിയ്ക്കലും “അയ്യോ! മനുഷ്യാ വെട്ടല്ലേ വെട്ടല്ലേ മരം വെട്ടല്ലേ“ എന്ന കരച്ചിലും മാത്രമല്ലല്ലോ. അതൊരു സമ്പൂർണ ജീവിത പദ്ധതിയാവണം.  ഒറ്റക്കാര്യത്തിൽ മാത്രമായി പരിസ്ഥിതി അവബോധവും സംരക്ഷണവും സാധ്യമല്ല.

നൂറു കണക്കിന് പരുത്തി വസ്ത്രങ്ങൾ (വിലകൂടിയ ഡിസൈനർ വസ്ത്രങ്ങളോ അല്ലെങ്കിൽ സാധാരണ വസ്ത്രങ്ങളോ ആവട്ടെ) അലമാരിയിൽ ശേഖരിച്ച് സൂക്ഷിച്ചു വെച്ച് ഞാൻ പരുത്തി വസ്ത്രം മാത്രം ധരിയ്ക്കുന്നവനാണെന്ന് സിദ്ധാന്തിയ്ക്കുന്ന ഒരാൾ പരിസ്ഥിതി സംരക്ഷണത്തെക്കുറിച്ച് സമഗ്രമായി ആലോചിയ്ക്കുന്നുണ്ടോ? അയാൾ ആവശ്യത്തിലും വളരെയേറെ പരുത്തി ഉപഭോഗം ചെയ്യുന്നു. അതിനൊപ്പം പരോക്ഷമായി മറ്റ് ഒട്ടനവധി കാര്യങ്ങളും അനാവശ്യമായി ചെലവഴിയ്ക്കപ്പെടുന്നുണ്ടല്ലോ. ഉദാഹരണമായി ചായം, തുന്നാൻ വേണ്ട നൂല്, വസ്ത്രമുണ്ടാക്കാൻ വരുന്ന അധ്വാനം, ഇവയെല്ലാം  എത്തിയ്ക്കാനാവശ്യമായ ഗതാഗതം, അതിനു വേണ്ട ഇന്ധനംഇതൊരു നീളമേറിയ പാതയാണ്. അതിന്റെ ഒരു കൈവഴിയ്ക്ക് മാത്രമായി പരിസ്ഥിതി സംരക്ഷണം നടക്കുമോ? 

മരം വെട്ടരുതെന്ന് പറഞ്ഞുകൊണ്ട് പൊരിവെയിലിൽ മരത്തെ കെട്ടിപ്പിടിച്ച് നിന്ന് സമരം ചെയ്യുന്നവർ ടിഷ്യു പേപ്പർ കൊണ്ട് വിയർപ്പ് തുടയ്ക്കുന്നതു മാതിരിയുള്ള തൊലിപ്പുറത്തെ പരിസ്ഥിതി ഉൽക്കണ്ഠകൾ പോരാ നമുക്ക്. വിദേശ രാജ്യങ്ങളിൽ കാര്യക്ഷമമായ പ്രവർത്തനങ്ങൾ പലതും ഉണ്ടെന്നും ഇവിടെ ഒന്നുമില്ലെന്നും അരിശം കൊള്ളാറുണ്ട് പലരും. ഇങ്ങനെ അരിശപ്പെടുമ്പോൾ അവിടങ്ങളിലെ ഭൂവിസ്തൃതിയും മനുഷ്യരുടെ എണ്ണത്തിലുള്ള കുറവും ചില കാര്യങ്ങളെങ്കിലും ഭംഗിയായി നടപ്പിലാക്കാനുള്ള ആർജ്ജവവും രാഷ്ട്രീയമായ ഇച്ഛാശക്തിയും കൂടി നമ്മൾ കണക്കിലെടുക്കണം. താരതമ്യം തികച്ചും സമഗ്രമാകണം.

തടുക്കാൻ ഒരു തരത്തിലും പ്രാപ്തിയില്ലാത്തവരുടെ തലയിൽ, സ്വന്തം വീട്ടിലെ മാലിന്യം നമ്മൾ വലിച്ചെറിഞ്ഞുകൊടുക്കുമ്പോഴല്ലേ വിളപ്പിൽശാലകളും ബ്രഹ്മപുരങ്ങളും ലാലൂരുകളും ഞെളിയൻപറമ്പുകളും ഉണ്ടാകുന്നത്? അമേരിയ്ക്കയിൽ നിന്ന് കൊച്ചിയിലേയ്ക്ക് പലതരം മാലിന്യങ്ങൾ കപ്പൽ കയറി വരുന്നതും  നമ്മൾ ഓരോരുത്തരും രാവിലെ കുടുംബശ്രീ സ്ത്രീകൾക്ക് എടുത്തുകൊണ്ടു പോകാനും, മേൽ‌പ്പറഞ്ഞ ഏതെങ്കിലും പറമ്പുകളിൽ ഉപേക്ഷിക്കാനുമായി വീട്ടിലെ മാലിന്യം പ്ലാസ്റ്റിക് ബക്കറ്റിൽ നിറച്ചു വെയ്ക്കുന്നതും തമ്മിൽ പറയത്തക്ക വലിയ വ്യത്യാസമില്ല. ഈ പറമ്പുകൾ ഉണ്ടാവാതെയിരിയ്ക്കാൻ നമ്മൾ എന്തുചെയ്യണം? നമ്മുടെ പങ്ക് മാലിന്യമെങ്കിലും അവിടങ്ങളിൽ ചെന്ന് ചേരാതിരിയ്ക്കാനും അങ്ങനെ അവിടങ്ങളിലെ സഹോദരർക്ക് ശല്യമുണ്ടാവാതിരിയ്ക്കാനുമെങ്കിലും നമ്മൾ ശ്രദ്ധിയ്ക്കണം. വിദൂരസ്ഥമായ സ്ഥലങ്ങളിൽ മാലിന്യം ഉപേക്ഷിയ്ക്കാൻ വേണ്ടി വരുന്ന ഭീമമായ ചെലവിനെക്കുറിച്ചും ഈയവസരത്തിൽ നമ്മൾ ഓർക്കേണ്ടതാണ്. വാഹനമോടിയ്ക്കാൻ ആവശ്യമായ ഇന്ധനമുൾപ്പടെ, ആ വാഹനം ഉണ്ടാക്കുന്ന പരിസ്ഥിതി മലിനീകരണം ഉൾപ്പടെ……….. ഫ്ലാറ്റുകളിലും വീടുകളിലും താമസിയ്ക്കുന്ന നമ്മളുണ്ടാക്കുന്ന മാലിന്യം സ്വയം നിർമ്മാർജ്ജനം ചെയ്യുമെന്ന ഒരു നിലപാടിലെത്തുകയും അതു പ്രാവർത്തികമാക്കുകയും വേണം.

ഓയിൽക്കമ്പനികളുടെ മുന്നിൽ കൈകൂപ്പി മുട്ടിലിഴഞ്ഞ് മൂക്കുകൊണ്ട് “ക്ഷ“ വരയ്ക്കുന്ന സർക്കാർ നയങ്ങൾ ഗ്യാസ് സിലിണ്ടറിന് വില കൂട്ടുമ്പോൾ ഒരു ജനത എന്ന നിലയിൽ എന്തു ചെയ്യാനാകുമെന്ന് നമ്മൾ ആലോചിയ്ക്കണം. ഒരു കെട്ട് വിറകിനും ഒരു ബക്കറ്റ് വെള്ളത്തിനും ഒരു പിടി ധാന്യത്തിനും വേണ്ടിപ്പോലും പലർക്കും മുൻപിൽ തുണിയഴിയ്ക്കേണ്ടി വരുന്ന പട്ടിണിപ്പാവങ്ങളായ സ്ത്രീകൾ നിറഞ്ഞ ഇന്ത്യയിലാണ് നാം കഴിയുന്നതെന്നും കൂടി ഓർക്കുമ്പോൾ മാലിന്യങ്ങളിൽ നിന്ന് ഗ്യാസുണ്ടാക്കുന്ന പദ്ധതികൾ പോലെ വ്യവസ്ഥേതരമായ ബദൽ ജീവിതരീതികൾ ആവേശത്തോടെ ഏറ്റെടുത്ത് നടപ്പിലാക്കുവാൻ നമ്മൾ ശ്രദ്ധിയ്ക്കേണ്ടതല്ലേ?

അതുപോലെത്തന്നെ കറുത്ത ഗ്ലാസ്സിട്ട കൂറ്റൻ വാഹനങ്ങളിലെ വലിയൊരു ഇരിപ്പിടത്തിൽ ഒറ്റയ്ക്കിരുന്ന് ചീറിപ്പായുന്നതിലല്ല അന്തസ്സെന്ന് നമ്മൾ എന്നാണറിയുക? അത്യധികം ഇന്ധനച്ചെലവുണ്ടാക്കുന്ന വാഹനങ്ങളോടുള്ള ഭ്രമം കുറയുമ്പോൾ മാത്രമേ നമുക്ക് നടപ്പാതകളുണ്ടാവൂ. സൈക്കിൾ പാതകളുണ്ടാവൂ. നമ്മുടെ പൊതുവാഹനങ്ങളെ കുറ്റമറ്റതാക്കി സംരക്ഷിയ്ക്കുന്ന മനോഭാവം വളരൂ. യാതൊരു ഗത്യന്തരവുമില്ലെങ്കിൽ മാത്രമേ നമ്മൾ സ്വകാര്യ വാഹനത്തെ ശരണം പ്രാപിയ്ക്കാവൂ. ഈ മനോഭാവമുള്ള ജനതയ്ക്കു മുൻപിൽ വികലമായ നയങ്ങൾ മാറ്റിയെഴുതുവാൻ ചിലപ്പോൾ സർക്കാർ നിർബന്ധിതമായേക്കും. അതിന് ആദ്യം വേണ്ടത്  മറ്റുള്ളവർ എല്ലാം മാറട്ടെ എന്നിട്ട് ഞാൻ മാറാം എന്ന നിലപാട് ഓരോരുത്തരും അവരവർക്കാവുന്ന ഏറ്റവും ലളിതമായ രീതിയിലെങ്കിലും തിരുത്തിയെഴുതുകയാണ്.

സ്വർണവും വജ്രവും അതി കേമമായ നിക്ഷേപമാണെന്ന് പൊതുവേ വിശ്വസിയ്ക്കപ്പെട്ടു വരുന്നുണ്ട്. സ്ത്രീകളുടെ ആഭരണഭ്രമത്തെക്കുറിച്ച് എല്ലാവരും നെടുങ്ങനെയും കുറുങ്ങനെയും സംസാരിയ്ക്കുകയും എഴുതുകയും അഭിനയിയ്ക്കുകയും തമാശ പറയുകയും ഒക്കെ ചെയ്യാറുണ്ട്.  പണം ചെലവഴിയ്ക്കാൻ പ്രാപ്തി (പർച്ചേസിംഗ് പവർ) അധികമുള്ള പുരുഷന്റെ സമ്മതമില്ലാതെ ഈ ഭ്രമം സ്ത്രീയ്ക്ക് പൂർത്തീകരിയ്ക്കാൻ കഴിയില്ലെങ്കിലും ആഭരണത്തോടുള്ള ആശ അവൾക്ക് മാത്രമായി സംവരണം ചെയ്യപ്പെട്ടതത്രെ. സ്വർണവും വജ്രവും ഏറ്റവും മനുഷ്യത്വ വിരുദ്ധമായ സാഹചര്യങ്ങളിൽ ഖനനം ചെയ്യപ്പെടുന്നവയാണ്, വളരെ ലഭ്യതക്കുറവുള്ളവയാണ്, പരിസ്ഥിതിയെ അമ്പേ തകർത്തുകൊണ്ട് സൃഷ്ടിയ്ക്കപ്പെടുന്നവയുമാണ്. എന്നിട്ടും ഭൂമിയിലെ സ്വർണ നിക്ഷേപത്തിന്റെ മുക്കാൽ പങ്കും മനുഷ്യർ കുഴിച്ചെടുത്തു കഴിഞ്ഞു. ഓരോ കഴഞ്ച് സ്വർണത്തിലും ഏറ്റവും ചെറിയ വജ്രത്തരിയിലും പോലും ഒരുപാട് ദരിദ്ര മനുഷ്യരുടെ രക്തവും കണ്ണീരും വിയർപ്പും ജീവനുമുണ്ട്. ഈ നഷ്ടപ്പെടലുകൾക്ക് പകരമായി അവർക്കോ അവരുടെ പരിസ്ഥിതിയ്ക്കോ ഒന്നും ലഭ്യമാവുന്നില്ലെന്നു മാത്രമല്ല, സർവ നാശത്തിലേയ്ക്ക് അതവരെ എത്തിയ്ക്കുകയും ചെയ്യുന്നു. ഏറ്റവും കൂടുതൽ സ്വർണവും വജ്രവും ഇറക്കുമതി ചെയ്യുന്ന രാജ്യമാണ് നമ്മുടേത്. അതേറ്റവും അധികം വാങ്ങുന്നവർ മലയാളികളും. ഈ ദു:ശീലത്തിൽ നിന്ന് നമുക്ക് മോചനമുണ്ടാവേണ്ടേ?

ഗോവധം പാടില്ലെന്ന് ഘോരഘോരം വാദിയ്ക്കുന്നവർ പോലും പ്ലാസ്റ്റിക് പാക്കറ്റുകൾ തിന്നു ശ്വാസം മുട്ടി, നുരയും പതയും തുപ്പി മരിയ്ക്കുന്ന നാൽക്കാലികളെ വളരെ കുറച്ചേ കാണാറുള്ളൂ. കാരണം പാടില്ലെന്ന് പറയുന്ന ഞാനും ആവാമെന്ന് പറയുന്ന നീയും ഉൾപ്പെടുന്ന എല്ലാവരും വലിച്ചെറിയാറുണ്ടല്ലോ ഈ പ്ലാസ്റ്റിക് പാക്കറ്റുകൾ! വേദനയേയും രോഗങ്ങളേയും മരണത്തേയും പോലെ മനുഷ്യ നിർമ്മിതമായ പരിസ്ഥിതി നാശത്തിനും രാജ്യാതിർത്തികളോ ജാതി മത വർഗ വർണ ഭേദമോ ഇല്ല. 

എന്തിനും ഏതിനും വാഹനമോടിയ്ക്കുമ്പോൾ, വാഹനങ്ങളിലിരുന്ന് പ്ലാസ്റ്റിക് കുപ്പിയും പാത്രങ്ങളും മാലിന്യങ്ങളും നദികളിലും റോഡുകളിലും അലക്ഷ്യമായി വലിച്ചെറിയുമ്പോൾ, മരങ്ങളെ നിഷ്ക്കരുണം കൊന്നൊടുക്കുമ്പോൾ, ആഹാരവും വെള്ളവും ഊർജ്ജവും പ്രകൃതീ പദാർഥങ്ങളും നിരുത്തരവാദപരമായി പാഴാക്കുമ്പോൾ, ആർത്തി പെരുത്ത് അന്തരീക്ഷവും വിളഭൂമിയും കൊടും വിഷങ്ങളാൽ  മലിനമാക്കുമ്പോൾ മനുഷ്യന്റെ മുഖച്ഛായ തന്നെ മാറുന്നു. അവിടെ  മനുഷ്യത്തത്തിനു പകരം സ്വാർഥതയും പരിഗണനയില്ലായ്മയും നീചതയും കൈവരുന്നു. അതാണോ നമ്മൾ സ്വാംശീകരിയ്ക്കേണ്ട മൂല്യമെന്ന് സ്വയം തീരുമാനിയ്ക്കേണ്ടതാണ്. 

തച്ചു തകർക്കപ്പെടുന്ന പരിസ്ഥിതിയോട് യാതൊരു പരിഗണനയും ഇല്ലാതെ, നശിപ്പിയ്ക്കാവുന്നതിന്റെ പരമാവധിയും ചെയ്തതിനു ശേഷം  ജാതിയും മതവും സൂക്ഷിച്ചു നോക്കി തരം തിരിച്ച്, അല്പം പണവും സഹായവും അനാഥാലയങ്ങളിലോ അമ്പലത്തിനോ പള്ളിയ്ക്കോ  നൽകിയുള്ള പാപം പോക്കൽ കൊണ്ട് ഒരു പ്രയോജനവുമില്ല. അങ്ങനെ എളുപ്പവഴിയിൽ പരിഹരിച്ച് കുറ്റബോധമില്ലാതാക്കാനാവാത്തതാണ് പരിസ്ഥിതിയെ നശിപ്പിയ്ക്കുന്ന നമ്മുടെ സ്വാർഥതഎന്നർഥം. ആ സ്വാർഥതയെ അതിജീവിയ്ക്കാൻ കൃത്യമായ ലക്ഷ്യബോധവും നിരന്തര പരിശ്രമവും ആവശ്യമാണ്. എത്ര കുറവ് മാലിന്യം സൃഷ്ടിയ്ക്കപ്പെടുന്നുവെന്നും പ്രകൃതിയോടും പരിസ്ഥിതിയോടും എന്തുമാത്രം സമതുലനം പുലർത്തുന്നുവെന്നും കണക്കാക്കി മാത്രമേ നമ്മുടെ സംസ്ക്കാരവും  നമ്മുടെ ജാതിയും മതവും നമ്മുടെ രാജ്യവും നമ്മുടെ ലിംഗവും കേമം മഹാ കേമം എന്ന് ആർപ്പു വിളിയ്ക്കാവൂ. അപ്പോൾ ആർക്കും ആർപ്പു വിളിയ്ക്കാൻ ശേഷിയുണ്ടാവുകയില്ലെന്ന് നമുക്കറിയാമല്ലോ. നിങ്ങളിൽ പാപം ചെയ്യാത്തവർ കല്ലെറിയട്ടെ എന്നാണല്ലോ.

തീർത്തും അത്യാവശ്യമുള്ള സമയത്തു മാത്രം ചെയ്യുന്ന ഏറ്റവും കുറഞ്ഞ ഉപഭോഗമാണ് ശരിയായ പരിസ്ഥിതി സംരക്ഷണമാകുന്നത്. പ്രപഞ്ചത്തിലെ എല്ലാം സഹജീവികൾക്കും  നമ്മെപ്പോലെ തന്നെ ഉപയോഗിയ്ക്കാൻ അവകാശമുള്ള നീക്കിയിരിപ്പിനെയാണ്, സമ്പത്തിനെയാണ് നമ്മൾ ഉപഭോഗം ചെയ്യുന്നതെന്ന ഓർമ്മയോടെ, അതിന്റെ കാവലാകാനുള്ള നിതാന്ത ജാഗ്രതയോടെ ജീവിയ്ക്കുന്നതാണ് യഥാർത്ഥമായ പരിസ്ഥിതി അവബോധം. അതിന് അനുഭാവം, അനുതാപം, പരിഗണന, ഉത്തരവാദിത്തം, ചുമതലാബോധം എന്നിവ കൂടിയേ കഴിയൂ. 

സ്ത്രീത്വത്തിന് പരിസ്ഥിതി സംരക്ഷണത്തിലെ പ്രത്യേക റോൾ എന്താണെന്ന് ആലോചിയ്ക്കുമ്പോഴാണ് പെണ്മയെപ്പറ്റി നമുക്ക് ഇങ്ങനെ വിശദീകരിയ്ക്കേണ്ടത്. അങ്ങേയറ്റത്തെ തീവ്ര വിപ്ലവകാരിയോ, പദവികളുള്ള ഉദ്യോഗസ്ഥയോ, അവാർഡുകൾ നേടിയ എഴുത്തുകാരിയോ സാധാരണ തൂപ്പുകാരിയോ ആരുമാവട്ടെ, ഒരു പുതു ജന്മത്തെ ജീവിതത്തിലേയ്ക്ക് കൊണ്ടു വരികയും പോറ്റി വളർത്തുകയും ജീവിത കാലം മുഴുവൻ അതിനെക്കുറിച്ച് ചിന്തിച്ച് ഉൽക്കണ്ഠപ്പെടുകയും ഒക്കെ ചെയ്യുന്നവളാണല്ലോ സ്ത്രീ. മറ്റൊരു ജിവന്റെ നന്മയ്ക്കാ‍യി സ്വന്തം ജീവിതവും സുഖങ്ങളും സൌകര്യവും എല്ലാം ചക്രവാളത്തിന്റെ അതിരോളം മാറ്റി വെയ്ക്കാൻ കഴിവുള്ളവൾ.

അവആഭരണങ്ങളും ലതരം വസ്ത്രങ്ങളുമണിഞ്ഞ് വെളുക്കാനുള്ള  ക്രീമുകളും തല മുടിളരാനുള്ള എണ്ണകളും വാരിത്തേച്ച് അയ്യോ! പയറുകറിയുണ്ടാക്കാനറിയില്ലെങ്കിൽ ഈ ജീവിതം കൊണ്ടെന്തു കാര്യം എന്നു സങ്കടപ്പെടേണ്ടവളല്ല. ഭ്രാന്തോളം വളരുന്ന ഭക്തിയും ആന കുത്തിയാൽ ഇളകാത്ത അന്ധവിശ്വാസങ്ങളുമായി ടി വി സീരിയലിലെ മന്ദബുദ്ധികളും ആത്മാഭിമാനമില്ലാത്തവരുമായ നല്ല സ്ത്രീകളാണെന്ന് ഭാവിച്ചും സ്ഥാപിച്ചും കഴിയേണ്ടവളല്ല. അങ്ങനെയല്ലാത്ത  പെണ്ണുങ്ങളെ ല്ലപ്പോഴുമെങ്കിലും കാണേണ്ടി വന്നാൽ അവരെ രിഹസിച്ചും നിന്ദിച്ചും അപമാനിച്ചും ഒറ്റപ്പെടുത്തേണ്ടവളല്ല. തോരാത്ത കണ്ണീർപ്പുഴയിലൊഴുകി വീട്ടു മൂർത്തിയായ ഒരു അമ്മപ്പൈങ്കിളിത്തേങ്ങലായി ങ്ഹും.. ങുഹും.. എന്ന് മോങ്ങേണ്ടവളുമല്ല……
 
ഇമ്മാതിരിയുള്ള ബുദ്ധിശൂന്യതകൾക്ക്  പകരം അനീതിയേയും ചൂഷണത്തിനേയും എതിർക്കുവാനും പ്രകൃതിയേയും പരിസ്ഥിതിയേയും സഹജീവികളേയും ബഹുമാനിച്ചാദരിച്ച് സ്നേഹിയ്ക്കുവാനും മൂല്യബോധവും ഉത്തരവാദിത്തവുമുള്ള ഒരു തലമുറയെ വാർത്തെടുക്കുവാനും വേണ്ട  ചുമതലയെ ഏറ്റെറ്റുക്കുവാൻ കെൽ‌പ്പുള്ളളാകണം സ്ത്രീ. ഏറ്റവും കുറഞ്ഞ ഉപഭോഗവും ഏറ്റവും കുറഞ്ഞ മാലിന്യ ഉല്പാദനവുമാണ് ഏറ്റവും ശ്രേഷ്ഠമായ പരിസ്ഥിതി അവബോധമെന്ന് സ്വയം പഠിയ്ക്കാനും അടുത്ത തലമുറയെ അത് ചൂണ്ടിക്കാണിയ്ക്കാനും സ്ത്രീയ്ക്ക് കഴിയണം.

ആണത്തമെന്നാൽ പഴക്കം കൊണ്ട് കെട്ടു നാറി പുളിച്ചു പോയ ജീർണ മൂല്യങ്ങളെയും എന്തിനേയും ചൂഷണം ചെയ്യാൻ മടിയ്ക്കാത്ത വ്യവസ്ഥാപിത നയങ്ങളേയും നെഞ്ചോട് ചേർത്ത്, പ്രകൃതിയെയും പരിസ്ഥിതിയേയും പ്രപഞ്ചത്തേയും സ്ത്രീയേയും ഭാവി തലമുറയേയും വരുതിയിൽ നിറുത്തി കീഴടക്കിയെന്ന് മീശ പിരിയ്ക്കുന്നതും രാഷ്ട്രീയവും ഭരണപരവും മതപരവും രിത്രപരവും സാമ്പത്തികവുമായ മേൽക്കോയ്മ പ്രകടിപ്പിച്ച് അട്ടഹാസവും ബലാത്സംഗവും മർദ്ദനങ്ങളും യുദ്ധങ്ങളും അധിനിവേശങ്ങളും ആഘോഷിയ്ക്കുന്നതുമാണെന്ന സർവാബദ്ധ ധാരണയിൽ നിന്ന് പുരുഷന്മാരും മോചിതരാകേണ്ടതുണ്ട്

എല്ലാത്തരം ചൂഷണങ്ങൾക്കും എതിരെ സമരം ചെയ്യുകയും പ്രകൃതിയേയും പരിസ്ഥിതിയേയും ബഹുമാനിച്ച് ആദരിയ്ക്കുകയും എല്ലാ സഹജീവികളോടും സമത്വത്തിലധിഷ്ഠിതമായ സ്നേഹമര്യാദകൾ പുലർത്തുകയും ഭാവി തലമുറയോട് നൂറു ശതമാനം ഉത്തരവാദിത്തമുള്ളവരാകുകയും അവരെയും പൂർണമായും പ്രചോദിപ്പിയ്ക്കുകയും ചെയ്യുമ്പോൾ മാത്രമേ യഥാർത്ഥത്തിൽ പുരുഷനാകുന്നുള്ളൂവെന്ന ബോധവൽക്കരണം പുരുഷന്മാർക്ക് തീർച്ചയായും ആവശ്യമുണ്ട്.

ഭൂമി സർവംസഹയൊന്നുമല്ലെന്നും ഭൂമിയുടെ വളരെച്ചെറിയ ഒരു പ്രതിഷേധം പോലും മാനവരാശിയെ മുച്ചൂടും മുടിച്ചു കളയുമെന്നും നമ്മൾ തിരിച്ചറിയേണ്ട സമയം അതിക്രമിച്ചു കഴിഞ്ഞു. പ്രകൃതിയെക്കുറിച്ചും ഭൂമിയുടെ എല്ലാ അവകാശികളെക്കുറിച്ചും എഴുതിക്കൊണ്ടിരുന്ന ഒരാളുണ്ടായിരുന്നു നമുക്കിടയിൽ. അദ്ദേഹം നമ്മെ നിരന്തരമായി ഓർമ്മിപ്പിച്ചിരുന്നുവല്ലോ.

“ഇതാ അന്തിമകാഹളം മുഴങ്ങുന്നു.“

നമ്മൾ കേൾക്കുന്നുണ്ടോ?


Saturday, October 29, 2011

നമ്മുടെ പെണ്‍കുട്ടികള്‍ സ്വാതന്ത്ര്യം പ്രഖ്യാപിക്കുന്നുവോ...


 ഇതൊരു സ്ത്രീ  പക്ഷ  രചനയാണ്. സ്ത്രീകളുടെ പക്ഷത്തു നിന്നുള്ള ഒരവലോകനം. മാന്യ പുരുഷ വായനക്കാര്‍ മനസ്സിലാക്കുമല്ലോ.

 മലയാളത്തിലെ ഒരു പ്രമുഖ ചാനലില്‍ പഴയ കാല സിനിമാ താരം അവതരിപ്പിക്കുന്ന പരിപാടി. കുറെ സംഗീതവും സെന്റിമെന്റ്സും ഒഴിവാക്കിയാല്‍ മനുഷ്യാവസ്ഥ കളെപ്പറ്റി ഒരു നേര്‍ക്കാഴ്ച്ച അതിനുണ്ട് എന്ന് തോന്നുന്നു. ക്ഷമാപണത്തോടെ പറയട്ടെ, ഞാനത് സ്ഥിരമായി കാണാറില്ല.

 ഈയിടെ ഒരു എപ്പിസോഡില്‍ ഭര്‍ത്താവിനെ ഉപേക്ഷിച്ച്, രണ്ടു കുട്ടികളുമൊത്ത്, വിവാഹിതനായ മറ്റൊരു പുരുഷനോടൊപ്പം ഒളിച്ചോടിപ്പോയ ഒരു യുവതിയെ കാണാനിടയായി. ഭര്‍ത്താവാണ് പരാതിക്കാരന്‍. വിളിച്ചു വരുത്തപ്പെട്ട യുവതിക്ക് പറയാനുള്ളത് മറ്റൊരു കഥയാണ്.വിവാഹത്തിനു ശേഷം ഭര്‍ത്താവിന്റെ കുടുംബാംഗങ്ങളില്‍ നിന്ന്, ഭര്‍തൃ പിതാവില്‍ നിന്ന്, ഭര്‍ത്താവില്‍ നിന്നു തന്നെ,അനുഭവിക്കേണ്ടി വന്ന പീഢനങ്ങള്‍.. വീട്ടില്‍ സുഹൃത്തുക്കളോടൊത്തുള്ള നിരന്തരമായ മദ്യപാനം.  അരക്ഷിതമായ അവസ്ഥയില്‍ നല്ലവനായിതോന്നിയ യുവാവിനോടൊപ്പം മക്കളുടെ സമ്മതത്തോടെ പലായനം. സന്തോഷത്തോടെയുള്ള ജീവിതം..

   നിയമത്തിനു അതിന്റേതായ വഴികളുണ്ട്. അല്ലെങ്കില്‍ അതിന്റേതായ വഴികളേയുള്ളു. മനുഷ്യ മനസ്സിന്റെ വേദനകളും നിരാലംബമായ പരിദേവനങ്ങളും മനസ്സിലാക്കി തീരുമാനമെടുക്കാന്‍ നിയമത്തിനു പരിമിതികളുണ്ട്. വിവാഹിതയായ സ്ത്രീ,വിവാഹിതനായ പുരുഷനോടോത്തു ജീവിക്കുന്നത് വ്യഭിചാരം മാത്രമാണ് നിയമത്തിന്റെ കണ്ണില്‍.

തീരുമാനമെടുക്കുമ്പോള്‍, യുവതിയുടെ ഭര്‍ത്താവിനു വിവാഹ മോചനം വേണം.അനുവദിക്കപ്പെട്ടു. ഒളിച്ചോടിയ യുവാവിന് സ്വന്തം ഭാര്യയോടു പിണക്കമൊന്നുമില്ലെന്കിലും  കൂടെ ജീവിക്കുന്ന യുവതിയെ പിരിയാന്‍ വയ്യ. അത് അനുവദിക്കപ്പെട്ടില്ല. സ്വന്തം ഭാര്യയോടൊത്ത് ജീവിച്ചേ മതിയാവൂ. ഒളിച്ചോടിയ യുവതി, സ്വന്തം അച്ഛനമ്മമാരോടോത്തു ജീവിക്കണം. അവിവാഹിതനായ സഹോദരന്‍ സംരക്ഷിക്കാംഎന്നേറ്റു. അയാള്‍ വിവാഹിതനായിക്കഴിഞ്ഞാലോ...? അത് ഇപ്പോള്‍ കോടതിയുടെ പരിഗണനയില്‍ പെടുന്ന കാര്യമല്ല.

         നിയമത്തിന്റെ വശത്തുനിന്നു ഇങ്ങിനെയൊരു തീരുമാനം മാത്രമേ സാദ്ധ്യമാവുകയുള്ളൂ ആകെ പകച്ചു പോയ ആ യുവതിയുടെ സ്ഥിതി കണ്ടിട്ട് എന്റെയുള്ളിലുയര്‍ന്ന ചോദ്യമിതാണ്.' ആ യുവതിക്ക് നീതി കിട്ടിയോ..? ജീവിതകാലം മുഴുവന്‍ അവളെ പീഢിപ്പിച്ച ഭര്‍ത്താവ് സ്വതന്ത്രനായി. അയാള്‍ക്ക്‌ പുതിയൊരു വിവാഹം കഴിച്ചു ജീവിക്കാം. പക്ഷെ,അവളോ...?.തന്റേതല്ലാത്ത തെറ്റിന് ജീവിതത്തില്‍ നിന്നുണ്ടാകുന്ന അനീതി മുഴുവന്‍ സഹിച്ചു ഒരു ജന്മം മുഴുവന്‍ കഴിച്ചു കൂട്ടുകയായിരുന്നോ അവള്‍ ചെയ്യേണ്ടിയിരുന്നത്...?

  നമ്മുടെ നാട്ടിലെ ബഹു ഭൂരിപക്ഷം വിവാഹങ്ങളും നടക്കുന്നത് മാതാപിതാക്കളുടെ തീരുമാനപ്രകാരമാണ്. വിവാഹത്തില്‍ പന്കാളികളാകുന്നവരുടെ മാനസിക പൊരുത്തം അവയില്‍ ഒരു ഘടകം ആകുന്നതേയില്ല.ജാതിയും ജാതകവും,സാമ്പത്തികവും സാമൂഹ്യവും സൌന്ദര്യവും വരെ ചേര്‍ച്ചയുടെ ആവശ്യഘടകങ്ങളാകുമ്പോള്‍  ജീവിതം നയിക്കേണ്ടവരുടെ മാനസിക പൊരുത്തങ്ങള്‍,അഭിരുചികള്‍,ജീവിത വീക്ഷണങ്ങള്‍ ഇവയൊന്നും ചര്‍ച്ച ചെയ്യപ്പെടുന്നതേയില്ല. വിവാഹത്തിനു ശേഷം ഇത്തരം ചേര്‍ച്ചയില്ലായ്മകള്‍ മറ നീക്കി പുറത്തു വരുമ്പോള്‍ മാത്രമാണ് പലര്‍ക്കുമിതേപ്പറ്റി ബോധമുണ്ടാകുന്നത് തന്നെ.

ഇപ്പോള്‍ മധ്യ വയസ് കഴിഞ്ഞ തലമുറയെപ്പറ്റി പറയാറുണ്ട്‌, കഴിഞ്ഞ തലമുറയ്ക്കും പുതിയ തലമുറയ്ക്കുമിടയില്‍ ഞെരുങ്ങി പോയവരാണ് അവരെന്ന്‍. വളരെ ശരിയാണത്. സ്ത്രീകളെയെടുത്താല്‍,അവരുടെ മുന്‍ തലമുറ പുരുഷന്റെ തണലില്‍ വീട് ഭരിച്ചവരായിരുന്നു. കുടുംബത്തിലുള്ള എല്ലാവരുടെയും എല്ലാത്തരം ആവശ്യങ്ങളും സാധ്യ മാക്കുക പുരുഷന്റെ ചുമതലയില്‍ പെട്ട കാര്യമായിരുന്നു എന്നതു കൊണ്ട്, ഗാര്‍ഹിക, സാമൂഹിക,സാമ്പത്തിക രംഗങ്ങളില്‍ പുരുഷന്‍ ആധിപത്യം നേടിയെടുത്തു. സ്ത്രീ പുരുഷനെ ആശ്രയിച്ചു ജീവിക്കേണ്ടവളായതു കൊണ്ട്പുരുഷാധിഷ്ഠിത സമൂഹത്തില്‍ അവള്‍ രണ്ടാം തരം വ്യക്തിയായി,നിശ്ശബ്ദയാക്കപ്പെട്ടു.

  അടുത്ത തലമുറയില്‍ സ്ത്രീകള്‍  മുഖ്യ ധാരയിലേക്ക് വരികയും പലരും സാമ്പത്തിക സ്വാതന്ത്ര്യം നേടുകയും ചെയ്തു. പക്ഷെ,മുതിര്‍ന്ന തലമുറയില്‍ നിന്ന് പകര്‍ന്നു കിട്ടിയ മൂല്യങ്ങളെപ്പറ്റിയുള്ള ധാരണകളില്‍ നിന്ന് മുക്തയാവാന്‍ അവള്‍ക്കു സാധിച്ചില്ല ഫലത്തില്‍, പുരുഷന്റെ ചുമതലകളില്‍ പകുതി പങ്കിട്ടെടുത്ത സ്ത്രീക്ക് അവന്റെ അവകാശങ്ങളുടെ പങ്കു നിഷേധിക്കപ്പെട്ടു. ചോദ്യം ചെയ്യപ്പെടേണ്ട വ്യവസ്ഥിതികളെ ചോദ്യം ചെയ്യാനുള്ള ധൈര്യം അവള്‍ക്കുണ്ടായതുമില്ല.

 ഒരു പക്ഷെ, സ്വന്തം ജീവിതത്തിന്റെ പരാജയങ്ങള്‍ മകളില്‍ ആവര്‍ത്തിക്കപ്പെടരുത് എന്ന് കരുതിയാവാം, പെണ്‍കുട്ടികളെ ധീരരായി വളരാന്‍, അവരെ ആണ്‍ കുട്ടികള്‍ക്കു  തുല്യരായി ഇരിക്കാന്‍  അമ്മമാര്‍ അനുവദിച്ചത്. ജീവിതത്തെ അമ്മയുടെതില്‍ നിന്ന് പുനര്‍ നിര്‍വചിക്കാന്‍ കെല്‍പ്പുള്ള ഒരു തലമുറ ഉണ്ടായി എന്നതാണ് അതിന്റെ നേട്ടം.
വിവാഹ ജീവിതത്തില്‍ ഭര്‍ത്താവ്‌ തന്നെക്കാള്‍ കൂടുതല്‍ അവകാശങ്ങളും ആനുകൂല്യങ്ങളും അര്‍ഹിക്കുന്നു എന്ന് വിശ്വസിക്കുന്ന പെണ്‍കുട്ടികള്‍ ഇന്ന് അപൂര്‍വമായിരിക്കുന്നു. വിവാഹത്തിന്റെ തീരുമാനം മാതാപിതാക്കളെ ഏല്‍പ്പിക്കുന്നവര്‍ പോലും വിവാഹത്തിനു ശേഷമുള്ള പൊരുത്തക്കേടുകളില്‍ കീഴടങ്ങലിന്റെ  പാത സ്വീകരിക്കുന്നില്ല. അതില്‍ അച്ഛനമ്മമാരുടെയോ ബന്ധുക്കളുടെയോ അഭിപ്രായങ്ങള്‍ക്ക് വില കല്പ്പിക്കുന്നുമില്ല. ഏത് അവഗണനയും പീഢനവും നിശ്ശബ്ദമായി സഹിച്ച്  മക്കള്‍ക്കുവേണ്ടി,കുടുംബത്തിനുവേണ്ടി ജീവിതം ഹോമിച്ച സ്ത്രീകളുടെ തലമുറ ഏതാണ്ട് അവസാനിച്ചിരിക്കുന്നു. സ്വന്തം ജീവിതത്തെ മറ്റുള്ളവര്‍ക്കു വേണ്ടി പാഴാക്കി കളയാന്‍ തയാറാവാതെ പുതിയ തലമുറയിലെ പെണ്‍കുട്ടികള്‍ സ്വാതന്ത്ര്യം പ്രഖ്യാപിക്കുന്നു.

വിവാഹ  മോചനത്തിന്റെ കണക്കുകള്‍ ഞെട്ടിപ്പിക്കുന്നതാണ്. പൊതുവേ പറഞ്ഞു കേള്‍ക്കാറുള്ളതു പോലെ വീട്ടില്‍ ലാളിച്ചു വഷളാക്കിയതാണോ ഇതിന്റെ കാരണം...? ന്യൂന പക്ഷം അത്തരത്തിലുണ്ട് എങ്കിലും കടമകളും അവകാശങ്ങളും തുല്യമായി പങ്കു വയ്ക്കപ്പെടേണ്ടതാണെന്ന പുതിയ കാഴ്ച്ചപ്പാട് ഒരു നിര്‍ണായക ഘടകമാകുന്നു. സ്വന്തം ജീവിതം മറ്റുള്ളവരുടെ കാല്‍ക്കീഴില്‍ വയ്ക്കാന്‍ തയ്യാറാകാത്ത ധീരരായ ഒരു തലമുറ ഇവിടെ ഉയര്‍ന്നു വന്നിരിക്കുന്നു. അതില്‍ തന്നെ ഒരു വിഭാഗം കുട്ടികള്‍ ഉണ്ടെങ്കിലും ഇല്ലെങ്കിലും പുനര്‍ വിവാഹിതരാകാതെ മുന്നോട്ടു പോകുന്നു.

കുടുംബം  എന്ന സങ്കല്പം  തന്നെ  പുനര്‍ നിര്‍വചിക്കപ്പെടുകയാണ്, ഇക്കാലങ്ങളില്‍. സാമ്പത്തിക സ്വാതന്ത്ര്യമുള്ള സ്ത്രീകള്‍ വിവാഹ മോചനത്തിനു ശേഷമുള്ള ജീവിതം വളരെ സന്തോഷപ്രദമായി നയിക്കുന്നത് കാണാനിടയായിട്ടുണ്ട്. പ്രത്യേകിച്ചും, സമൂഹത്തിന്റെ കടന്നു കയറ്റങ്ങളില്ലാത്ത നഗര ജീവിതത്തില്‍.

 സഹജീവിതം (Living together)  എന്ന സങ്കല്പം ഇന്നത്തെ തലമുറയെ ആകര്‍ഷിക്കുന്നുണ്ട്. ഇന്ത്യന്‍ സാമൂഹിക സാഹചര്യങ്ങള്‍ ഇതിനനുകൂലമല്ലെങ്കില്‍ പോലും. സ്വന്തം അഭിരുചികള്‍ക്കിണങ്ങിയ പങ്കാളിയോടോത്ത് വിവാഹത്തിന്റെ കെട്ടു പാടുകളും വിധേയത്വങ്ങളുമില്ലാത്ത ജീവിതം നയിക്കുന്നത് അഭികാമ്യമായി കരുതുന്നതില്‍ തെറ്റുണ്ട് എന്ന് പറയാനാവില്ല. വിവാഹത്തിന്റെ കുരുക്കില്‍ പെട്ട് നുകത്തിനു കീഴിലെ കാളയെപ്പോലെ യാതന അനുഭവിക്കുന്നതിലും അഭികാമ്യം ഇത് തന്നെ യാണെന്നാണ് വ്യക്തി പരമായി ഞാന്‍ വിശ്വസിക്കുന്നത്. ഇതും കൂടുതല്‍ ചര്‍ച്ച ചെയ്യപ്പെടേണ്ടതാണ്.


ഏതായാലും, കൂട്ടുകുടുംബ വ്യവസ്ഥയില്‍ നിന്നും അണു കുടുംബത്തിലേക്ക് മാറിയ പോലെ വിപ്ലവകരമായ മാറ്റങ്ങള്‍,ഭാര്യയും ഭര്‍ത്താവും മക്കളും അടങ്ങിയ കുടുംബം എന്ന സങ്കല്‍പ്പത്തില്‍ ഉണ്ടാവുക തന്നെ ചെയ്യും. സ്വന്തം ഭാഗധേയം സ്വയം നിര്‍ണ്ണയിക്കാനുള്ള ധൈര്യം നമ്മുടെ പെണ്‍കുട്ടികള്‍ സ്വായത്തമാക്കി കഴിഞ്ഞു. നമ്മുടെ മൂല്യ ബോധങ്ങള്‍ അതിനനുസരിച്ചു എങ്ങിനെയാണ് പൊളിച്ചെഴുതപ്പെടുന്നത് എന്ന് കാത്തിരുന്നു കാണേണ്ടിയിരിക്കുന്നു...